Këshilltari i Shtetit dhe ministri i Jashtëm kinez Wang Yi i dërgoi të martën një mesazh urimi Forumit Ndërkombëtar për Bashkëpunimin Trepalësh, ku bëri thirrje për thellimin e mëtejshëm të bashkëpunimit të Kinës me dy vendet e saj fqinje, Korenë e Jugut e Japoninë.
Forumi, i organizuar nga Sekretariati i Bashkëpunimit Trepalësh (TCS), shërben si një kornizë bashkëpunimi trepalësh ndërmjet Kinës, Koresë së Jugut dhe Japonisë, me synim për të promovuar paqen dhe lulëzimin e përbashkët në rajon.
Të tre vendet ndajnë interesa të gjera të përbashkëta, tha kryediplomati kinez në mesazh, duke shtuar se gjatë 20 vjetëve të fundit, Pekini, Seuli dhe Tokioja kanë ruajtur bashkëpunimin praktik dhe kanë mbrojtur paqen e zhvillimin në Azinë Lindore.
Në rrethanat sfiduese ndërkombëtare, Wang u kërkoi të tre vendeve të rrisin besimin e ndërsjellë politik dhe të zgjerojnë bashkëpunimin.
Ai theksoi gjithashtu nevojën për forcimin e shkëmbimeve njerëzore.
