inflacioni gjerman CGTN
Inflacioni në Gjermani shënoi një tjetër rekord në maj, në 7.9 për qind nga viti në vit, niveli më i lartë që nga janari 1952, bën të ditur “CGTN”.
Shifrat e përkohshme të publikuara të hënën tregojnë se inflacioni u rrit me 0.5 pikë në krahasim me prillin, i nxitur nga konflikti në Ukrainë, që po rrit çmimet e energjisë dhe ushqimeve.
Indeksi i harmonizuar i çmimeve, i cili shërben si pikë referimi në nivel evropian, u rrit me 8.7 për qind gjatë një viti, duke thyer objektivin afatmesëm të Bankës Qendrore Evropiane prej 2 për qind.
Shifrat e së hënës sugjerojnë se Eurozona ende nuk ka arritur kulmin e inflacionit, me shumë vende evropiane që varen shumë nga importet e gazit dhe naftës ruse.
