Foto: VCG
Presidenti rus Vladimir Putin zhvilloi të shtunën një bisedë telefonike me presidentin francez Emmanuel Macron dhe kancelarin gjerman Olaf Scholz, për të diskutuar situatën në Ukrainë dhe sigurinë globale të ushqimit, njofton “Xinhua”.
Putin informoi Macron dhe Scholz për zhvillimet më të fundit të operacionit special ushtarak rus në Ukrainë, duke vënë në dukje se forcat e armatosura ruse respektojnë rreptësisht normat e së drejtës ndërkombëtare humanitare, njoftoi Kremlini në një deklaratë për shtyp.
Sa i përket bisedimeve të paqes ndërmjet negociatorëve rusë dhe ukrainas, Putin konfirmoi se pala ruse është e hapur për rifillimin e dialogut të ngrirë.
Udhëheqësi rus kritikoi furnizimin me armë perëndimore në Ukrainë, gjë që mund të destabilizojë më tej situatën dhe të përkeqësojë krizën humanitare.
Kur diskutoi çështjen e sigurimit të sigurisë globale ushqimore, Putin tha se vështirësitë në furnizimin me ushqim janë shkaktuar nga politikat e gabuara ekonomike dhe financiare të vendeve perëndimore, si dhe nga sanksionet e tyre antiruse.
“Rusia është e gatshme të ndihmojë në gjetjen e opsioneve për eksportin e papenguar të grurit, duke përfshirë eksportin e drithit ukrainas nga portet e Detit të Zi”, -tha Putin.
Ai theksoi se rritja e furnizimit me plehra dhe produkte bujqësore ruse do të ndihmojë gjithashtu në uljen e tensioneve në tregun global të ushqimit, gjë që do të kërkojë heqjen e sanksioneve përkatëse.
