Foto: MPJ
Kina i ka dhuruar Mianmar 10 milionë doza vaksinash COVID-19 së bashku me 13 milionë shiringa 19 dhe dy automjete laboratorike të lëvizshme, sipas një deklarate nga Ambasada e Kinës në Mianmar, njofton “Xinhua”.
Ambasada kineze ia dorëzoi ato Ministrisë së Shëndetësisë së Mianmarit në Aeroportin Ndërkombëtar “Yangon” të dielën.
Vaksinat dhe shiringat për COVID-19 të dhuruara nga Kina mbërritën në Mianmar në grupe të veçanta duke filluar nga 18 maji deri më 29 maj.
“Kina ka ofruar vazhdimisht furnizime mjekësore për Mianmarin në luftën kundër pandemisë COVID-19 dhe ka ndihmuar vendin në mbushjen dhe paketimin e vaksinave COVID-19 për të rritur shkallën e vaksinimit të vendit”, -tha ambasadori kinez në Mianmar Chen Hai në ceremoninë e dorëzimit.
Ministri i Shëndetësisë në Mianmar, Thet Khaing Win, shprehu falënderime për donacionin e Kinës, duke thënë se vaksinat e dhuruara nga Kina do të përdoren për vaksinimin e fëmijëve të moshës 5-12 vjeç dhe dy automjetet e lëvizshme laboratorike do të përdoren në pikat kufitare të vendit.
Ai theksoi se bashkëpunimi miqësor midis Mianmarit dhe Kinës do të kontribuojë në parandalimin dhe kontrollin e epidemisë si dhe zhvillimin socio-ekonomik të të dy vendeve,.
Mianmari ka administruar tashmë vaksinimin për më shumë se 92 për qind të popullsisë së saj të rritur të moshës 18 vjeç e lart, shtoi Thet.
Që nga 24 maji, Mianmari ka vaksinuar plotësisht më shumë se 26.11 milionë njerëz, ose afërsisht 47 për qind të popullsisë, kundër COVID-19 në vend, treguan të dhënat zyrtare.
