Presidenti i Republikës, Ilir Meta zhvilloi një takim me drejtorin e Institutit Ndërkombëtar për Studime të Lindjes së Mesme dhe Ballkanit (IFIMES), Zijad Bećirović.
Presidenti Meta, foto fb zyrtar presidenti Meta
Përmes një njoftimi zyrtar, presidenti Meta njoftoi se në takim u diskutua edhe për konfliktin në Ukrainë dhe ndikimin e tij në Ballkan, Evropë e në botë.
Kreu i shtetit deklaroi se çelja sa më parë e negociatave të anëtarësimit në Bashkimin Evropian për Shqipërinë dhe Maqedoninë e Veriut do të sillte kontribute konkrete dhe tepër pozitive për konsolidimin e paqes, stabilitetit dhe sigurisë në rajon, si dhe për prosperitetin e qytetarëve.
“Theksova dhe se respektimi i aspiratave të popullit të Bosnjës dhe Hercegovinës për anëtarësimin në NATO dhe në BE është legjitime dhe i shërben maksimalisht paqes, stabilitetit dhe sigurisë jo vetem në rajonin tonë, por edhe më gjerë”, -bëri të ditur presidenti Meta. (Irma)