nxenesit e shkollave, insajderi
Nxënësit që ndjekin arsimin parauniversitar në Shqipëri janë çdo vit e më të paktë në numër. Një raport i publikuar nga Instituti i Statistikave ka nxjerrë në pah se brenda 5 viteve numri i nxënësve që frekuentojnë arsimin parauniversitar ka rënë me 13%.
Sipas të dhënave zyrtare, në vitin 2021 janë regjistruar në kopshte, shkolla dhe gjimnaze 465.807 nxënës, shifër kjo e cila 5 vite më parë ishte 536.408, raporton “TvKlan”.
Ekspertët thonë se numri i nxënësve për 1000 banorë ka rënë nga viti në vit nga 158 që ishte në vitin 2017 në 139 në 2021-shin. Ata e argumentojnë këtë rënie me dy faktorë, së pari prindërit po zgjedhin gjithmonë e më shumë t’i dërgojnë fëmijët në shkollat jashtë vendit dhe se së dyti popullsia shqiptare po plaket.
E njëjta rënie vërehet edhe te studentët. Sipas INSTAT, në vitin 2021 janë regjistruar 12.5% të rinj më pak në universitet krahasuar me vitin 2017.
