Skiatori shqiptar, foto CMG
Skiatori 18-vjeçar Denni Xhepa është i vetmi përfaqësues i Shqipërisë në Lojërat Olimpike Dimërore Pekin 2022, që nisin më 4 shkurt. Gjatë një interviste për Grupin Mediatik të Kinës, ai u shpreh tepër i emocionuar që do të jetë pjesëmarrës në Olimpiadë. “Është një ngjarje e jashtëzakonshme. Jam vetëm 18 vjeç dhe po shkoj në Olimpiadë, ky është eventi më i madh për një sportist, për një skiator, dhe mezi po pres që të shkoj në Kinë”, -tha Xhepa.
Lidhur me faktin që është i vetmi përfaqësues i Shqipërisë në këto Lojëra, ai tha se kjo gjë e motivon shumë, po ashtu edhe besimi që të gjithë kanë për të.
Denni Xhepa, foto CMG
Denni Xhepa do të garojë në disiplinat slalom dhe slalom gjigant. Ai u shpreh tepër ambicioz dhe tha se objektivi është çmimi i madh, por, theksoi se duhet edhe fat. “Përgatitja e deritanishme ka qenë shumë e lodhshme. Mezi po pres të garoj”, -deklaroi skiatori shqiptar.