rastet MV, alsat
Maqedonia e Veriut të shtunën ka regjistruar 21 viktima me Covid-19 dhe 1913 të infektuar, ka bërë të ditur Ministria e Shëndetësisë, njofton “Radio Europa e Lirë”.
Rastet e reja me koronavirus dolën pas testimit të 7219 mostrave.
Numri i përgjithshëm i viktimave ka arritur në 8196 dhe shumica prej tyre janë regjistruar në kryeqytetin Shkup.
Sipas të dhënave të Institutit të Shëndetit Publik, 78 për qind e viktimave ishin të pavaksinuar kundër koronavirusit.
Aktualisht, në Maqedoninë e Veriut rastet aktive janë 20.250.
Që nga paraqitja e pandemisë, me COVID-19 janë diagnostikuar mbi 250.000 persona.
Përkundër rritjes së numrit të viktimave dhe infektimeve në rritje, interesimi për vaksinim kundër koronavirusit mbetet i ulët, bazuar në të dhënat e Ministrisë së Shëndetësisë.
Mbi 862.000 persona janë imunizuar me dy doza të vaksinës, ndërsa numri i përgjithshëm i vaksinave të aplikuara sillet në rreth 1.7 miliona vaksina.
