Brenda javës së parë të tetorit pritet të nisë puna në terren për ndërtimin e segmentit hekurudhor Tiranë-Durrës-Rinas pas finalizimit të një pune disavjeçare me Bankën Evropiane për Rindërtim e Zhvillim (BERZH).
Ministrja e Infrastrukturës dhe Energjisë, Belinda Balluku deklaroi, gjatë një interviste në medie, se hekurudha do të përfundojë brenda 24 muajve.
Projekti për hekurudhën e re Tiranë-Rinas-Durrës ka një vlerë investimi prej 90.45 milionë euro, citon “ATSH”.
Sipas projektit, aksi Tiranë-Rinas do të përshkohet për 12 minuta, ndërsa Tiranë-Durrës për 22 minuta, me një shpejtësi prej 160 km/orë.
