Foto: VCG
Rreth 40 për qind e flotës ajrore tregtare të Iranit është joaktive për shkak të furnizimit të pamjaftueshëm të pjesëve të shkaktuara nga sanksionet e SHBA-së, tha të martën shefi i aviacionit civil iranian.
"Tani ne kemi rreth 330 avionë në vend. 60 për qind e flotës sonë është aktive dhe pjesa tjetër është e bllokuar për shkak të problemeve me motorin dhe mungesës së furnizimit me pjesë,- tha Mohammad Mohammadi Bakhsh, kreu i Aviacionit Civil të Iranit për Agjencinë e Lajmeve të Studentëve iranianë (ISNA).
Duke fajësuar sanksionet në rritje të SHBA për problemet, ai tha gjithashtu se progres i mirë është bërë në fushën e mirëmbajtjes së avionëve dhe së shpejti do të njoftohen lajme të mira për ndërtimin e avionëve, citon “Xinhua”.
Bakhsh vuri në dukje se pas nënshkrimit të marrëveshjes bërthamore të vitit 2015, kompanitë perëndimore ishin të detyruara t'i shisnin avionë dhe pjesë këmbimi Iranit, por ato i ndërprenë kontratat dhe ndërprenë shërbimet pas shitjes pasi Shtetet e Bashkuara rifilluan sanksionet në 2018-n. (Elona)