Videofragmenti i xhiruar më 26 maj nga kamera me rreze infra të kuqe tregon një pandë të egër gjigante në Parkun Kombëtar të Pandave Gjigante në provincën Sichuan të Kinës Jugperëndimore./Parku Kombëtar i Pandave Gjigante
Një pandë e egër gjigante u kap disa herë nga një kamerë me rreze infra të kuqe në Parkun Kombëtar të Pandave Gjigante në provincën Sichuan të Kinës Jugperëndimore.
Nga 25 deri më 28 maj të këtij viti, kamera e vendosur në zonën Tangjiahe të parkut, në një lartësi 2 900 metra mbi nivelin e detit, regjistroi videofragmente të pandës gjigante për katër ditë me radhë.
Zona ku panda u xhirua, ka shumë kushte të favorshme, përfshirë temperatura relativisht të qëndrueshme, ushqim e ujë të mjaftueshëm.
Një nga videofragmentet, i xhiruar më 25 maj, tregon ariun bardhezi duke ecur drejt kamerës dhe duke e prekur. Në një tjetër fragment, i marrë më 28 maj, panda zbulon një vend të freskët për pushim pas vëzhgimit të mjedisit përreth.
Punonjësit e parkut kombëtar thanë se në fragmentet është e njëjta pandë e rritur.
Mbi 400 kamera me rreze infra të kuqe janë vendosur në zonën Tangjiahe gjatë disa vjetëve të fundit, të cilat kanë regjistruar shumë kafshë të egra të rralla. (Wang Lei/ Artan)
Videofragmenti i xhiruar më 27 maj nga kamera me rreze infra të kuqe tregon një pandë të egër gjigante në Parkun Kombëtar të Pandave Gjigante në provincën Sichuan të Kinës Jugperëndimore./Parku Kombëtar i Pandave Gjigante
Videofragmenti i xhiruar më 25 maj nga kamera me rreze infra të kuqe tregon një pandë të egër gjigante në Parkun Kombëtar të Pandave Gjigante në provincën Sichuan të Kinës Jugperëndimore./Parku Kombëtar i Pandave Gjigante
Videofragmenti i xhiruar më 28 maj nga kamera me rreze infra të kuqe tregon një pandë të egër gjigante në Parkun Kombëtar të Pandave Gjigante në provincën Sichuan të Kinës Jugperëndimore./Parku Kombëtar i Pandave Gjigante
