Foto nga VCG
Kina do të nisë një raund të ri ndërtimi dhe rindërtimi të rrugëve rurale, do të zgjerojë investimet në ndërtimet rurale dhe do të krijojë më shumë vende pune për popullsinë rurale, mes përpjekjeve për të konsoliduar arritjet në zbutjen e varfërisë dhe për të përshpejtuar rigjallërimin rural, bën të ditur “Xinhua”.
Deri në vitin 2025 do të ndërtohet një rrjet rrugor rural që është më i përshtatshëm, efikas dhe gjithëpërfshirës, me përmirësime të bëra në sigurinë rrugore dhe shërbimet e transportit, sipas një qarkoreje të lëshuar nga Ministria e Transporteve dhe pesë organe të tjera qeveritare.
Në krye të objektivave të shpallura më parë, Kina do të rrisë mbështetjen e politikave dhe do të përfundojë ndërtimin e 30,000 km rrugë rurale shtesë dhe do të rindërtojë 3,000 ura të tjera rrugore të pasigurta në zonat rurale këtë vit. Vendi synon ta çojë investimin total në ndërtimet rurale në rreth 100 miliardë juanë (rreth 14.76 miliardë dollarë amerikanë), duke krijuar rreth 2 milionë vende pune lokale për banorët ruralë, sipas planit. Skemat e lehtësimit të punës do të promovohen për të përfshirë më shumë popullsi rurale, veçanërisht njerëzit me të ardhura të ulëta, në ndërtimin dhe mirëmbajtjen e projekteve të ndërtimit rural, në mënyrë që të krijohen më shumë mundësi punësimi për banorët dhe të rriten të ardhurat e tyre. (Elona)
