Foto nga VCG
Industria postare e Kinës raportoi rritje të qëndrueshme në të ardhurat e biznesit në shtatë muajt e parë të vitit, treguan të dhënat nga Zyra Shtetërore e Postës, njofton “Xinhua”.
Gjatë kësaj periudhe, të ardhurat e sektorit postar arritën në 767.73 miliardë juanë (rreth 113.88 miliardë dollarë amerikanë), 7.4 për qind më shumë nga viti në vit.
Vetëm në korrik, sektori fitoi 113.42 miliardë juanë të ardhura nga biznesi, duke shënuar një rritje nga viti në vit prej 13.3 për qind.
Kompanitë e shërbimit të dorëzimit ekspres të Kinës trajtuan 60.86 miliardë parcela në shtatë muajt e parë, duke u rritur me 4.3 për qind nga një vit më parë. Të ardhurat e tyre nga biznesi arritën në 588.04 miliardë juanë gjatë kësaj periudhe, 3.7 për qind më shumë nga viti në vit.
Industria e shërbimeve ekspres përshpejtoi zgjerimin e saj në korrik, me të ardhurat e biznesit që u rritën 8.6 për qind nga një vit më parë për të arritur në 89.82 miliardë juanë. (Fatosi)
