foto/VCG
Qyteti Yining në Rajonin Autonom të Xinjiang Ujgur të Kinës veriperëndimore ka avancuar ndërtimin e rrjeteve të tubacioneve të kullimit në zonat rurale, për të përmirësuar mjedisin e jetesës për banorët vendës.
Shkalla e mbulimit të rrjeteve të tubave të kullimit rural në qytetin Yining ka arritur në 95 për qind, sipas statistikave lokale, përcjell “Xinhua”.
Dy projekte kullimi janë aktualisht në ndërtim e sipër në qytet, të cilat pritet të ndihmojnë në zgjidhjen e problemeve të largimit të ujërave të zeza për më shumë se 3000 familje rurale pas përfundimit.
Rrjetet e tubave të kullimit janë të një rëndësie të madhe për përmirësimin e cilësisë së jetës në zonat rurale dhe përmirësimin e mjedisit të jetesës, tha Mewlan Shewket, kryekomunar i një fshati në Dadamtu Township, ku po zhvillohet një projekt kullimi.
Që nga fillimi i një fushate për përmirësimin e kullimit në zonat rurale në vitin 2019, Yining ka promovuar projekte kullimi me një investim total prej 220 milionë juanë (32.6 milionë dollarë amerikanë). Gjithashtu, ka përfunduar shtrimi i 284 km tubacione kullimi, nga të cilët kanë përfituar më shumë se 12.500 familje. (Irma)
