Foto nga VCG
Këshilltari i Shtetit dhe Ministri i Jashtëm kinez Wang Yi u takua me ministrin e Jashtëm të Turqisë, Mevlut Çavusoglu, në kuadër të samitit të ministrave të Jashtëm për bashkëpunimin në Azinë Lindore, duke u zotuar se do të promovojnë bashkëpunimin mes dy vendeve, përcjell “Xinhua”.
Wang tha se Kina dhe Turqia janë të dyja përfaqësuese të ekonomive në zhvillim, duke pasur interesa të ndërthurura ngushtë dhe pozicione të ngjashme. “Kina është e gatshme të punojë me Turqinë, në përputhje me udhëzimet e përcaktuara nga krerët e shteteve të dy vendeve, për të rritur besimin dhe bashkëpunimin reciprok, për të mbështetur njëra-tjetrën në mbrojtjen e sovranitetit kombëtar, sigurisë dhe interesave të zhvillimit, për të thelluar sinergjinë e strategjive të zhvillimit dhe të promovojnë zhvillimin e shëndetshëm dhe të qëndrueshëm të marrëdhënieve strategjike të bashkëpunimit mes dy vendeve”, tha Wang.
Ai tha se përballë peizazhit aktual ndërkombëtar që paraqet një rritje të mprehtë të paqëndrueshmërisë, pasigurisë dhe shqetësimit, vendet e mëdha duhet të kishin marrë drejtimin në respektimin e Kartës së Kombeve të Bashkuara, në respektimin e normave bazë që rregullojnë marrëdhëniet ndërkombëtare dhe në mbrojtjen dhe praktikimin multilateralizmi. Megjithatë, vuri në dukje Ëang, Shtetet e Bashkuara po bëjnë të kundërtën, duke sfiduar hapur sovranitetin dhe integritetin territorial të Kinës dhe duke prishur paqen dhe stabilitetin në ngushticën e Tajvanit. Duke vënë në dukje se komuniteti ndërkombëtar ka dënuar njëzëri aktet e rrezikshme dhe të pamenda të Shteteve të Bashkuara, Wang tha se Kina, së bashku me çdo palë, është e gatshme të respektojë normën bazë që rregullon marrëdhëniet ndërkombëtare për respektimin e sovranitetit kombëtar dhe integritetit territorial, dhe të ruajë paqen dhe stabilitetin rajonal dhe global.
Cavusoglu tha se Turqia i përmbahet me vendosmëri politikës së “Një Kine”, jo vetëm për Tajvanin, por edhe për çështjet në lidhje me Xinjiang, duke vlerësuar vizitën e Komisioneres së Lartë të Kombeve të Bashkuara për të Drejtat e Njeriut, Michelle Bachelet.
“Turqia mbështet multilateralizmin dhe kundërshton sanksionet e njëanshme. Mes sfidave serioze të shkaktuara nga kriza e Ukrainës për rimëkëmbjen ekonomike globale, Turqia është e gatshme të përforcojë solidaritetin e saj me Kinën dhe të përballojë së bashku sigurinë ushqimore dhe situata të tjera të vështira”, -tha Cavusoglu.
Ai tha se Turqia vlerëson nismën “Një brez, një rrugë”, duke shpresuar për të zhvilluar marrëdhënie më të ekuilibruar ekonomike dhe tregtare dypalëshe, si dhe të mirëpresë më shumë ndërmarrje kineze për të investuar në vend.
Wang vlerësoi angazhimin e Turqisë për zgjidhjen paqësore të konfliktit Rusi-Ukrainë. (Irma)
