Foto: VCG
Kina dhe Greqia u zotuan të thellojnë më tej bashkëpunimin reciprokisht të dobishëm dhe të punojnë së bashku për marrëdhënie më të mira dypalëshe edhe për 50 vitet e ardhshme. Deklarata u bë gjatë takimit të ministrit të Jashtëm të Kinës Wang Yi me homologun grek Nikos Dendias, në kuadër të takimit të ministrave të Jashtëm të Samitit të Azisë Lindore, përcjell “Xinhua”.
Kryediplomati Wang Yi tha se kanë kaluar 50 vjet qëkur Kina dhe Greqia vendosën marrëdhënie diplomatike mes dy vendeve.
“Si miq të respektit të ndërsjellë dhe besimit të ndërsjellë dhe partnerë të bashkëpunimit fitues, si Kina ashtu edhe Greqia kanë treguar përgjegjësinë e tyre për qytetërimet e lashta, kanë shtyrë për zhvillimin e mëtejshëm dhe solid të partneritetit të tyre strategjik gjithëpërfshirës dhe kanë kontribuar në ndërtimin e një komuniteti me një të ardhme të përbashkët për njerëzimin”, -tha Wang.
Ai shprehu besimin se do të vijojë promovimi i besimit të ndërsjellë strategjik, mbështetja e kërkesave legjitime të njëri-tjetrit dhe konsolidimi i themeleve politike për zhvillimin e lidhjeve dypalëshe, në mënyrë që të punohet për marrëdhënie më të mira dypalëshe për 50 vitet e ardhshme.
“Si Kina ashtu edhe Greqia qëndrojnë për të mbështetur qëllimet dhe parimet e Kartës së Kombeve të Bashkuara, duke mbrojtur rendin ndërkombëtar të bazuar në të drejtën ndërkombëtare dhe duke vënë në praktikë multilateralizmin e vërtetë”, -tha Wang, duke theksuar se shpreson që Greqia do të vazhdojë të luajë një rol konstruktiv në promovimin e zhvillimit të shëndetshëm dhe të qëndrueshëm të marrëdhënieve Kinë-Evropë.
Dendias tha se me respekt dhe mirëkuptim reciprok, Greqia dhe Kina kanë krijuar me sukses një partneritet strategjik gjithëpërfshirës dhe kanë dëshmuar zhvillimin e qëndrueshëm të bashkëpunimit pragmatik në fusha të ndryshme. “Greqia i kushton rëndësi të madhe ndikimit të rëndësishëm të Kinës në çështjet ndërkombëtare, flet shumë për kontributin e Kinës në rimëkëmbjen ekonomike globale dhe qytetërimin njerëzor, sheh mundësi të mëdha të sjella nga zhvillimi i Kinës dhe vlerëson mbështetjen e vendosur të Kinës në kohën e saj të vështirë. Greqia është e gatshme të vazhdojë të thellojë bashkëpunimin me përfitim reciprok me Kinën, të zgjerojë eksportet në Kinë dhe të mirëpresë investimet nga kompanitë kineze”, -tha Dendias, duke shtuar se Greqia do të mbetet e përkushtuar për të nxitur zhvillimin e shëndoshë dhe të qëndrueshëm të marrëdhënieve BE-Kinë. (Irma)
