VCG
Ekonomia digjitale e Kinës arriti në 7.1 trilion dollarë amerikanë në vitin 2021, sipas një libri të bardhë mbi ekonominë digjitale globale.
Ekonomia digjitale kineze zë më shumë se 18 për qind të vëllimit të përgjithshëm të 47 vendeve kryesore të përfshira në librin e bardhë, duke u renditur e dyta pas Shteteve të Bashkuara, thuhet në dokumentin e publikuar nga Akademia Kineze e Teknologjisë së Informacionit dhe Komunikimit të premten.
Ekonomia digjitale është një forcë kyçe që drejton zhvillimin ekonomik të Kinës. Në librin e bardhë thuhet se nga viti 2012 deri në vitin e kaluar, norma mesatare e rritjes së ekonomisë digjitale të Kinës ishte 15.9 për qind dhe pjesa e ekonomisë digjitale të vendit në PBB u rrit nga 20.9 në 39.8 %.
Sipas studimit, Gjermania, Britania dhe Shtetet e Bashkuara u renditën në tre vendet e para për sa i përket peshës së ekonomisë digjitale në PBB, të gjitha me mbi 65 për qind. Ndërsa lidhur me normën e rritjes, ekonomia digjitale e Norvegjisë u zmadhua me 34.4 për qind krahasuar me vitin 2020, rritja më e shpejtë në nivel global.
