Foto:VCG
I ngarkuar me mbi 980 tonë mallra, një tren mallrash Kinë-Evropë u nis nga Shangai për në Almaty, Kazakistan, njoftoi Dogana e Shangait, citon “Xinhua”.
Kjo është nisja e trenit të parë të mallrave Kinë-Evropë nga Shangai në Azinë Qendrore.
Për shkak të pandemisë, këtë vit Shangai pezulloi përkohësisht shërbimin e trenit të mallrave Kinë-Evropë, i cili rifilloi në maj përballë kërkesës së fortë nga ndërmarrjet e tregtisë së jashtme.
Në gjysmën e parë të këtij viti, Shangai trajtoi 12 trena mallrash Kinë-Evropë, që transportonin 1166 TEU me një peshë ngarkese mbi 7234 tonë, me vlerë 293 milionë juanë (rreth 43.5 milionë dollarë amerikanë).
Shanghai nisi trenin e tij të parë të mallrave Kinë-Evropë në shtator 2021. Aktualisht, qyteti ka nëntë rrugë mallrash, duke arritur në 13 qytete në pesë vende përgjatë “Një brez, një rrugë”.
Deri më tani, Shangai ka trajtuar 35 trena mallrash Kinë-Evropë, të ngarkuar me 3438 TEU mallra me një peshë totale prej 23.600 tonë, me vlerë 1,024 miliardë juanë. (Irma)
