VCG
Forca e Policisë e Hong-Kongut do të kryejë zyrtarisht stërvitje rreshtore të stilit kinez duke filluar nga 1 korriku. Ky shihet si një ndryshim simbolik në ideologji dhe në çrrënjosjen e karakterit kolonial.
"Kthehu djathtas!" Në vend që të jepet në anglishte ose në dialektin kantonez, komanda do të thuhet në gjuhën standarde kineze, e cila përdoret më së shumti në pjesën kontinentale. Policia po heq dorë nga stërvitja rreshtore e stilit të Hong-Kongut dhe po përshtatet me stërvitjen rreshtore të stilit së Ushtrisë Çlirimtare Popullore të Kinës.
Partia e Flamurit, e formuar nga Kolegji i Policisë i Hong-Kongut, kryen gjithashtu ngritje flamuri të stilit kinez në veprimtari të tilla si përvjetori i krijimit të Rajonit të Posaçëm Administrativ të Hong-Kongut.
Ndryshimi ka një kuptim simbolik. Të gjithë inspektorët janë trajnuar në stërvitje rreshtore të stilit të Ushtrisë Çlirimtare Popullore që nga tetori i kaluar me ndihmën e Garnizonit të Ushtrisë Çlirimtare Popullore në Hong-Kong.
Ndërsa Hong-Kongu feston 25-vjetorin e kthimit në atdhe, shumë besojnë se ky stil i ri tregon plotësisht frymën e Forcës së Policisë të Hong-Kongut në epokën e re.
