Kur bota përballet me ndryshime të mëdha dhe me pandeminë e shekullit, Kina ka theksuar rëndësinë e përparimit të globalizimit, edhe pse procesi i integrimit ekonomik ka hasur në vështirësi.

Për bashkërendimin më të madh të zhvillimit dhe ngushtimin e hendekut të zhvillimit, komuniteti ndërkombëtar duhet të grumbullojë burimet e bashkëpunimit, platformat dhe rrjetet e partneritetit të zhvillimit, tha presidenti kinez Xi Jinping të premten në një fjalim virtual në sesionin plenar të Forumit të 25-të Ekonomik Ndërkombëtar të Shën-Petëburgut.

"Kemi besim të plotë për zhvillimin ekonomik të Kinës," tha Xi. "Kina do të vazhdojë të promovojë zhvillimin me cilësi të lartë, të zgjerojë hapjen me standard të lartë me vendosmëri dhe të ndjekë bashkëpunimin me cilësi të lartë lidhur me nismën 'Një brez, një rrugë' ."

Zhvillim global më i barabartë dhe më i qëndrueshëm

Duke vënë në dukje se komuniteti ndërkombëtar dëshiron një zhvillim më të barabartë, më të qëndrueshëm dhe më të sigurt, Xi tha se është e rëndësishme që të kapen rastet, të përballohen sfidat dhe të punohet për zbatimin e Nismës së Zhvillimit Global për të ndërtuar një të ardhme të përbashkët me paqe dhe lulëzim.

Presidenti kinez propozoi Nismën e Zhvillimit Global në fjalimin e tij në sesionin e 76-të të Asamblesë së Përgjithshme të OKB-së nëpërmjet videolidhjes në shtator të vitit të kaluar. Ky plan ofron një rrugë që duhet ndjekur për zhvillimin ndërkombëtar.

Është e rëndësishme që të gjitha vendet të forcojnë "ndërlidhjen e butë" të politikave të zhvillimit, të rregullave dhe standardeve ndërkombëtare, u tha Xi Jinping-u pjesëmarrëve në këtë forum.

Përpjekjet e shkëputjes, ndërprerjes së furnizimit, sanksioneve të njëanshme dhe presionit maksimal duhet të refuzohen, dhe pengesat e tregtisë duhet të hiqen për të ruajtur qëndrueshmërinë e zinxhirëve globalë industrialë dhe të furnizimit, për të trajtuar krizat e ushqimit dhe energjisë që po përkeqësohen e për të ringjallur ekonominë botërore, u shpreh presidenti kinez.

Është e rëndësishme që të ndjekim multilateralizmin e vërtetë dhe të respektojmë e të përkrahim rrugët e të gjitha vendeve të përshtatshme për kushtet kombëtare të tyre, tha ai, duke shtuar se është e nevojshme që të ndërtohet një ekonomi e hapur botërore dhe të shtohen përfaqësimi dhe zërat e tregjeve të reja dhe vendeve në zhvillim në qeverisjen ekonomike globale.

Xi u bëri thirrje po ashtu vendeve që të ndjekin zhvillimin e drejtuar nga inovacioni, të theksojnë rëndësinë e çlirimit të potencialit të rritjes së drejtuar nga inovacioni, të përmirësojnë rregullat e mjedisin institucional për inovacionin, dhe të thyejnë pengesat për lëvizjen e faktorëve të inovacionit.

Xi nxiti përpjekjet për thellimin e shkëmbimeve dhe bashkëpunimit në inovacion, për lehtësimin e integrimit të mëtejshëm të shkencës e teknologjisë në ekonomi dhe për të garantuar që frytet e inovacionit të ndahen nga të gjithë.

Kina do të vazhdojë promovimin e zhvillimit me cilësi të lartë

Presidenti kinez vuri në dukje se bazat e ekonomisë kineze, si elasticiteti i fortë, potenciali i madh dhe qëndrueshmëria afatgjatë, qërdrojnë të pandryshuara.

Si një ndër vendet e para që rifilloi punën dhe prodhimin, Kina u bë ekonomia kryesore e vet meqë regjistroi rritje në vitin 2020, me një PBB mbi 114.4 trilionë juanë (afro 18.1 trilionë dollarë) në vitin 2021.

Një raport i kohëve të fundit nga Dhoma Amerikane e Tregtisë në Kinën e Jugut ka treguar se mbi 70% e kompanive të pyetura kanë plane riinvestimi në Kinë për vitin 2022, dhe 58 % e kompanive konsiderojnë se përfitimet e përgjithshme të tyre nga investimi në Kinë janë më të larta se në vendet e tjera.

Kina është e gatshme që të punojë me Rusinë dhe të gjitha vendet e tjera për të eksploruar perspektivat e zhvillimit, për të ndarë rastet e rritjes dhe për të dhënë kontribute të reja në thellimin e bashkëpunimit të zhvillimit global dhe ndërtimin e një komuniteti me një të ardhme të përbashkët për njerëzimin, tha presidenti kinez Xi Jinping. (Xu Guang)