Këshilltari i Shtetit kinez dhe ministri i Mbrojtjes, Wei Fenghe, mbajti të dielën një fjalim mbi vizionin e Kinës për rendin rajonal në Dialogun e 19-të Shangri-La në Singapor, njofton “Xinhua”.
Wei tha se bota po përballet me kriza të shumta që rrallë shihen në histori dhe se rruga për të ecur përpara është të mbështetet dhe praktikohet multilateralizmi dhe të ndërtohet një komunitet me një të ardhme të përbashkët për njerëzimin.
“Zhvillimi i Kinës është i pandalshëm”, -tha Wei, duke shtuar se Kina është e fortë në angazhimin e saj për të ndjekur zhvillimin paqësor.
Sipas tij, zhvillimi i Kinës nuk është një kërcënim për të tjerët, përkundrazi, është një kontribut i madh për paqen dhe zhvillimin global. “Kina ndjek me vendosmëri një politikë mbrojtëse. Ushtria kineze është gjithmonë një forcë për paqen dhe do të mbetet e vendosur në mbrojtjen e sovranitetit, sigurisë dhe interesave të zhvillimit të Kinës”, -tha ministri.
Duke vënë në dukje se Azi-Paqësori është fuqia ekonomike më e gjallë dhe premtuese në botë, Wei u kërkoi vendeve të përpiqen për perspektivën e ndritur të ndërtimit të një komuniteti Azi-Paqësor me një të ardhme të përbashkët që gëzon paqe të qëndrueshme dhe siguron siguri për të gjithë.
Për çështjen e Tajvanit, Wei tha se kjo është një çështje e brendshme e Kinës.
