Foto nga VCG
Mjedisi ekologjik i Kinës ka parë një pikë kthese historike në dekadën e fundit, deklaroi në një konferencë shtypi Han Wenxiu, zyrtar i lartë i Komitetit Qendror për Çështjet Ekonomike dhe Financiare, citon “Xinhua”.
“Kemi vërejtur më pak ditë me mjegull, shijuam qiej më të kaltër, ujëra më të pastër dhe male të harlisur. Pyllëzimi artificial i Kinës përbënte rreth një të katërtën e totalit botëror dhe emetimet e saj të dyoksidit të karbonit për njësi të prodhimit të brendshëm bruto ranë me rreth 34 për qind”, -tha Han.
Ai theksoi se Kina kryeson renditjen ndërkombëtare për kapacitetin e instaluar të energjisë së erës dhe fotovoltaike, si dhe për energji të tjera të gjelbra dhe për prodhimin dhe shitjen e automjeteve me energji të re.
Si një mbështetëse e vendosur e Marrëveshjes së Parisit, Kina ka shpallur qëllimin e saj për të arritur kulmin e emetimeve të CO2 deri në vitin 2030 dhe neutralitetin e karbonit deri në fund të vitit 2060. (Irma)
