Foto：VCG
Investimet e Kinës në objektet ujëmbledhëse arritën në 107.7 miliardë juanë (rreth 16.92 miliardë dollarë amerikanë) gjatë tremujorit të parë të vitit, 35 për qind më shumë se në të njëjtën periudhë të vitit të kaluar, tha të premten në një konferencë për shtypin Zhang Xiangwei, një zyrtar në Ministrinë e Burimeve Ujore.
Gjatë tremujorit të parë, autoritetet vendore riparuan me shpejtësi objektet ujëmbledhëse të dëmtuara në stinën e përmbytjeve të vitit të kaluar, si rezervuarët dhe digat.
Deri në fund të marsit, pothuajse 80 për qind e objekteve të dëmtuara ishin rregulluar, tha Zhang, duke shtuar se pjesa e mbetur do të riparohet përpara stinës kryesore të përmbytjeve të këtij viti.
Wei Shanzhong, zëvendësministri i Burimeve Ujore, u shpreh se një numër veprash ujëmbledhëse do të fillojnë të ndërtohen në vitin 2022 dhe investimet vjetore në projektet ujore pritet të arrijnë në 800 miliardë juanë.
