Zhang Jun (Foto: Xinhua)
Përfaqësuesi i përhershëm i Kinës në Kombet e Bashkuara, Zhang Jun, hodhi poshtë me vendosmëri akuzat e pabaza kundër Kinës të bëra nga Linda Thomas-Greenfield, ambasadorja e SHBA-së në OKB, në intervistën e saj me “CNN”, njofton “Xinhua”.
Në një deklaratë për shtyp, Zhang tha se Shtetet e Bashkuara kanë bërë sërish akuza kundër Kinës dhe vërejtje të gabuara, të papërgjegjshme për çështje si Lojërat Olimpike Dimërore të Pekinit, Xinjiang dhe Tajvan. Sipas tij, fjalë të tilla të pabaza, të njëanshme politikisht kanë helmuar seriozisht marrëdhëniet Kinë-SHBA.
Në ceremoninë e hapjes së Lojërave Olimpike Dimërore të Pekinit morën pjesë rreth 170 përfaqësues zyrtarë nga afro 70 vende dhe organizata ndërkombëtare, duke përfshirë 31 krerë shtetesh apo qeverish, anëtarë të familjes mbretërore dhe krerët e organizatave ndërkombëtare, tha Zhang.
Ai vuri në dukje se shumë udhëheqës shtetesh dhe shefa të organizatave ndërkombëtare i kanë dërguar mesazhe presidentit kinez Xi Jinping, për t'i uruar Olimpiadën Dimërore të Pekinit për suksesin e madh dhe popullin kinez për Vitin e Ri Hënor. Sipas tij, kjo tregon plotësisht mbështetjen e vendosur të komunitetit ndërkombëtar për Kinën, për Lojërat Olimpike Dimërore të Pekinit dhe për Lëvizjen Olimpike.
“Përpjekja e SHBA-së për të bërë një çështje të Lojërave Olimpike nuk ka fituar asnjë mbështetje dhe ka rezultuar me dështim të plotë. Atletët nga Kina, Shtetet e Bashkuara dhe vende të tjera po garojnë me drejtësi në Lojërat Olimpike Dimërore të Pekinit. Janë ata që duhet të jenë në qendër të vëmendjes dhe politikanët amerikanë duhet të kishin lënë skenën për ta shumë kohë më parë”, -tha Zhang.
“Gënjeshtrat e përsëritura nga Shtetet e Bashkuara për "gjenocidin" në Xinjiang tashmë janë zhgënjyer me fakte. Njerëzit e të gjitha grupeve etnike atje po shijojnë një jetë të qetë, harmonike dhe të lumtur. Në ekipin e Kinës, ka 20 atletë nga nëntë pakica etnike, duke përfshirë ujgurët dhe tibetianët. Një prej tyre është Dinigeer Yilamujiang, një skiator ujgur që ndezi flakën olimpike”, vuri në dukje ai.
Zhang theksoi se Tajvani është pjesë e pandashme e territorit kinez. Zgjidhja e çështjes së Tajvanit është çështje e brendshme e Kinës dhe nuk lejon asnjë ndërhyrje nga Shtetet e Bashkuara ose ndonjë forcë tjetër të jashtme. “E ardhmja e Tajvanit qëndron në ribashkimin kombëtar, jo në ndonjë garanci sigurie nga Shtetet e Bashkuara. Shtetet e Bashkuara duhet të ndalojnë inkurajimin dhe mbështetjen e forcave të "pavarësisë së Tajvanit", të ndjekin politikën e vërtetë të një Kine dhe t'i përputhen veprimet e saj me fjalë”, tha ai.
"Kjo është këshilla ime për Shtetet e Bashkuara: Mos shkoni më tej në rrugën e gabuar. Kjo jo vetëm që do t'i bëjë njerëzit tuaj të vuajnë, por do të krijojë më shumë telashe për vendet e tjera dhe mbarë botën", -tha ambasadori.
