Ditët e fundit, një ilaç i ri antitrupash kundër koronavirusit, i studiuar nga Kina, u miratua për përdorim urgjent në BE dhe ShBA. Yan Jinghua, një anëtare e grupit të studimit të këtij ilaçi, u shpreh në një intervistë se kjo simbolizon besimin global për sigurinë dhe efektivitetin e ilaçit kinez të antitrupave terapeutike kundër virusit të COVID-19.
Ditët e fundit, Komiteti i Produkteve Mjekësore për Përdorim Njerëzor(CHMP) i Agjencisë Europiane të Barnave(EMA) miratoi përdorimin e përbashkët të antitrupave monoklonale LY-CoV555 dhe LY-CoV016 në emergjencat e shëndetit publik për pacientët e prekur nga virusi i COVID-19. Në dhjetëditorin e parë të shkurtit, edhe Administrata e Ushqimit dhe e Barnave e ShBA-së(FDA) autorizoi përdorimin emergjent të kësaj terapie në ShBA.
Yan Jinghua, anëtarja kryesore i grupit të studimit të antitrupave monoklonale LY-CoV016
Yan Jinghua, anëtarja kryesore i grupit të studimit të antitrupave monoklonale LY-CoV016 dhe studiuese e Institutit të Mikrobiologjisë të Akademisë së Shkencave Kineze, theksoi se ky antitrup quhet "raketa biologjike" ndaj koronavirusit dhe ka efektivitet të dukshëm në trajtimin e parandalimin e prekjes nga virusi i COVID-19.
Ajo tha: "E dimë se kur virusi hyn në qelizën, i nevojtet më parë një receptor dhe bashkëveprimi mes këtij virusi dhe receptorit. Gjatë procesit të bashkëveprimit të tyre, nëse ekziston një antitrup që ndërhyn në bashkëveprimin mes virusit dhe receptorit, ky proces do të ndërpritet dhe virusi nuk mund të prekë qelizën. Në fakt, ky proces i ngjan hapjes së derës me një çelës, kur brava e derës është bllokuar, dera nuk mund të hapet nga të tjerët. Ky është roli i ilaçit tonë, që është një ilaç i ri biologjik i quajtur si 'raketa biologjike' kundër virusit të COVID-19."
Yan Jinghua na tregoi se Instituti i Mikrobiologjisë të Akademisë së Shkencave Kineze filloi studimin e antitrupave monoklonale në periudhën fillestare të përhapjes së epidemisë së COVID-19, që mori përkrahjen e qeverisë kineze si projekt i rëndësishëm studimi. Grupi i studimit shfrytëzoi përvojat e pasura dhe epërsinë shkencore në studimin e antitrupave të sëmundjeve të reja ngjitëse, kapërceu shumë vështirësi të studimit dhe bëri bashkëpunim efikas me kompanitë farmaceutike, duke realizuar prodhim në sasi të madhe të këtij ilaçi efikas.
Yang Jinghua tha: "Për sëmundjet e papritura ngjitëse, duhet të studiojmë sa më shpejt ilaçin e ri. Grupi i Institutit të Mikrobiologjisë të Akademisë së Shkencave Kineze ka bërë shumë studime të antitrupave ndaj virusit të sëmundjes së re ngjitëse, duke përfshirë antitrupat ndaj virusit Zika dhe MERS-it. Prandaj, kemi një epërsi teknologjike nëpërmjet kësaj platforme. Bëmë shumë punë për renditjen e qelizës së vetme, për ta zbuluar antitrupat kundër virusit të COVID-19 nga qelizat imune të pacientit të shëruar. Pastaj izolojmë këtë antitrup dhe fillojmë prodhimin e tij, duke mbaruar këtë proces brenda një kohë shumë të shkurtër. Brenda vetëm një viti, realizuam aplikimin e ilaçeve në tregjet globale nga rezultatet e organizatave shkencore. Kjo është një gjë shumë e vështirë."
Mësohet se në marsin e kaluar, Instituti i Mikrobiologjisë i Akademisë së Shkencave Kineze ia autorizoi të drejtat e tregimit të antitrupit LY-CoV016 kompanisë "TopAlliance". Në maj të vitit 2020, pas miratimit nga Instituti i Mikrobiologjisë të Akademisë së Shkencave Kineze, kompania kineze "TopAlliance" dhe kompania amerikane "Eli Lilly and Company" arritën marrëveshjen e bashkëpunimit, ku iu dha e drejta kompanisë amerikane "Eli Lilly and Company" që ta nxitë provën klinike të këtij ilaçi. Në qershor të vitit 2020, antitrupi LY-CoV016 u miratua për provën klinike të njerëzit në të njëjtën kohë nga Administrata Kombëtare e Produkteve Mjekësore të Kinës dhe Administrata Amerikane e Ushqimit dhe Barnave, duke u bërë ilaçi i parë pas provave tek kafshët që hyn në fazën e provës klinike të antitrupit kundër virusit të COVID-19. Yan Jinghua tha se sipas të dhënave të provës klinike nga kompania amerikane "Eli Lilly and Company", përdorimi i përbashkët i LY-CoV016 dhe LY-CoV555 mund të ulë dukshëm toksicitetin e virusit COVID-19 dhe të përmirësojë dukshëm gjendjen shëndetësore klinike të pacientëve.
Yan Jinghua tha: "Sipas provës klinike ndër pacientëve të prekur nga virusi, pas përdorimit të këtij ilaçi, nuk ka asnjë humbja e jetëve dhe ulën me 70% simptomat serioze të pacientëve. Në bazë të provës klinike të fazës së tretë, BE-ja dhe ShBA-ja miratuan përdorimin urgjent të këtij ilaçi."
Yang Jinghua u shpreh se miratimi i përdorimit urgjent të këtyre ilaçeve kineze në ShBA dhe Evropë, simbolizoi besimin global për sigurinë dhe efektivitetin e ilaçit kinez të antitrupave kundër virusit të COVID-19 dhe suksesi i ilaçit të ri kinez në tregun global.
Yan Jinghua tha:"Për studiuesit tanë, ky është një lajm shumë i mirë që ilaçi efikas mund të përdoret për trajtimin e pacientëve në ShBA dhe BE. Ky është ilaçi i studiuar me të drejtat e pavarura të pronës intelektuale nga Kina. Ky është suksesi i bashkëpunimit të ngushtë mes studimit shkencor, prodhimit industrial, provës klinike. Suksesi i këtij ilaçi në tregjet globale është një shembulli shumë i mirë për kompanitë farmaceutike kineze."(Xu Guang)
