Një infermiere nga Japonia ka tërhequr kohët e fundit shumë vëmendje në rrjetet sociale me karikaturat e saj në gjuhën kineze dhe gjuhën japoneze për parandalimin e infektimeve me COVID-19.
Vizatimet paraqesin një panda gjigante me kapelen e një infermiereje duke folur për njohuritë e parandalimit të epidemisë. Me stilin e saj të gjallë të pikturës, shpjegimin e lehtë për t’u kuptuar dhe urimet më të mira në kohë të vështira, vajza japoneze “Xiang Xiang” ka fituar një numër të madh ndjekësish në Kinë, ku shumë i shkruajnë duke thënë "Faleminderit, vajza e bukur japoneze!" "Epidemia nuk njeh kufij mes vendeve dhe ne do të punojmë së bashku."
Pandë infermiere "Xiangxiang"
"Unë thjesht bëra atë që duhej të bëja", tha Xiang Xiang. "Nuk prisja të merrja kaq shumë mesazhe të ngrohta. Ndihem sikur kam marrë shumë dhurata."
"Ju lutemi kujdesuni mirë për veten tuaj dhe kthehuni të sigurt!" tha vajza japoneze, emri i vërtetë i së cilës është Iwasaki Haruka, në një video të regjistruar në shtëpinë e saj në Yokohama, të prefekturës Kanagawa.
Iwasaki Haruka
Në vitin 2018, Iwasaki Haruka erdhi në Kinë si një vullnetare në Spitalin e Miqësisë Kino-Japoneze. Gjatë qëndrimit të saj në Kinë, ajo mësoi gjuhën kineze dhe njohu më tej jetën e qytetarëve kinezë.
Iwasaki Haruka dhe kolegët e saj kinezë
Iwasaki Haruka tha se banorët japonezë nuk e njohin shumë Kinën, prandaj ajo donte ta prezantonte Kinën nga pikëpamja e saj përmes një karikature të krijuar nga vetë ajo, me emrin "Ditari i Xiangxiang-ut", protagonistja e të cilit është një pandë infermiere "Xiangxiang". Në këtë ditar pasqyrohet puna dhe jeta e Haruka-s së bashku me kolegët e saj në Kinë.
"Ditari i Xiangxiang-ut" i krijuar nga Iwasaki Haruka
Sipas planit, Iwasaki Haruka duhet të përfundonte shërbimet vullnetare të saj në korrik të vitit 2020. Por, epidemia e COVID-19 e papritur ndryshoi planet e saj, e cila u kthye para kohe në Japoni në fund të janarit të këtij viti. Pas kthimit në Japoni, Iwasaki Haruka u kushtoi vëmendje të madhe informacioneve të Kinës mbi luftën anti-epidemike. Ajo tha: "Mësova të gjitha punët e kolegëve tim kinezë gjatë epidemisë, të cilat janë punët shumë të mëdha. I admiroj shumë ato."
Pas kthimit në Japoni, "Ditari i Xiangxiang-ut" shtoi një kapital të ri: Infermierja e pandas "Xiangxiang" filloi shpërndarjen e njohurive për parandalimin e përhapjes epidemike. "Xiangxiang" u mësoi të gjithëve si të veshin maska dhe si të lajnë duart si duhet.
Kapitali i parandalimit të përhapjes epidemike]
Këto informacione kanë qenë shumë të mirëpritura në rrjetet shoqërore dhe morën shumë falënderime nga lexuesit kinezë. Iwasaki Haruka tha se ajo nuk e priste që do kishte kaq shumë shikime nga "Ditari i Xiangxiang-ut", e cila kishte bërë një punë të duhur.
Tani, Iwasaki Haruka vazhdon punën e saj për kontrollin epidemik në
Iwasaki Haruka po punon në Aeroportin Ndërkombëtar Narita të Japonisë
Çdo ditë, pasagjerët nga mbi 120 vende hynë në këtë aeroport në Japoni. Iwasaki Haruka mblodhi mostrat e pasagjerëve për testimin e koronavirusit të ri.
Iwasaki Haruka mësoi nga lajmet se gjatë shpërthimit të epidemisë në Japoni, qeveria dhe organet kineze i dhuruan Japonisë shumë materiale mjekësore anti-epidemike, gjë që e ka prekur shumë. Ajo shprehu bindjen se me përpjekjet e përbashkëta të botës, ne mund ta kapërcejmë këtë virus jetëmarrës. Ajo shprehu po ashtu dëshirën e kthimit në Kinë për t’u ritakuar me kolegët e saj kinezë në të ardhmen pas përfundimit të epidemisë. (Xu Guang)
