Kina hap një muze të ri çdo 2 ditë gjatë 5 viteve të fundit

[Foto nga VCG]

Midis viteve 2016 dhe 2020, çdo dy ditë në Kinë hapej një muze i ri. Shifra u bë publike të martën nga zëvendësministri i Kulturës dhe Turizmit, Li Qun.

Deri në fund të vitit 2020, Kina numëronte 5788 muze të regjistruar pranë autoriteteve, me 1224 muze në nivel shtetëror, tha Li, gjithashtu kreu i Administratës Kombëtare të Trashëgimisë Kulturore, në një aktivitet në Pekin për të shënuar Ditën Ndërkombëtare të Muzeut në 18 maj, raporton “Xinhua”.

Pavarësisht nga pasojat e epidemisë Covid 19, muzetë në të gjithë vendin vitin e kaluar paraqitën më shumë se 29.000 ekspozita dhe regjistruan afërsisht 540 milionë vizita, tha ai. (Elona)