Foto nga VCG
Një këshilltar politik kinez sugjeroi që vendi duhet të përshpejtojë ndërtimin e parkut kombëtar Yarlung Tsangbo në pjesën juglindore të Rajonit Autonom të Tibetit të Kinës Jugperëndimore, për të ruajtur më tej ekosistemin lokal që përmban biodiversitetin e pasur.
Ndërtimi i një parku kombëtar në rrjedhën e poshtme të lumit Yarlung Zangbo dhe rreth degëve të tij do të jetë kuptimplotë për të mbrojtur rajonin e Tibetit juglindor, për të promovuar unitetin kombëtar dhe për të ruajtur sigurinë kombëtare, tha Zhang Endi, anëtar i Komitetit Kombëtar të Konferencës Konsultative Politike të Popullit Kinez nga Shangai, sipas “Global Times”.
Foto nga VCG
Me përmirësimin gradual të transportit dhe infrastrukturës, si dhe kërkesën gjithnjë në rritje për adhuruesit e natyrës, është e mundur të zhvillohet një përvojë ndërkombëtare, duke lejuar që njerëzit lokalë të përfitojnë nga mbrojtja, tha Zhang, i cili është gjithashtu një ekspert mbi biodiversitetin.
Sipas Zhang, lugina Yarlung Zangbo, 504,6 kilometra e gjatë, është një nga 34 pikat kryesore të nxehta të biodiversitetit në botë. Lugina cilësohet si një "Muze i Bimëve Natyrore" sepse është shtëpia e pothuajse të gjitha llojeve të bimësisë tokësore, nga tropikët në zonën e Arktikut, duke përfshirë disa lloje të rralla dhe madje unike.
Lugina është gjithashtu një habitat për shumë kafshë të rrezikuara.
Sidoqoftë, për shkak të ndryshimit të klimës dhe aktiviteteve njerëzore, ekosistemi në lumin Yarlung Zangbo përballet me kërcënime dhe sfida. (Elona)
