Komuniteti shkencor kinez do të bëjë përparime më origjinale për t'i shërbyer vendit, për të lehtësuar një ekosistem inovativ efikas dhe të koordinuar dhe për t'u integruar në mënyrë proaktive në rrjetin global të inovacionit, thanë zyrtarët gjatë Takimit të 24-t Vjetor të Shoqatës Kineze për Shkencën dhe Teknologjinë (CAST), i cili u mbyll në fillim të javës.
Foto:VCG
Wan Gang, president i CAST, tha në ceremoninë e hapjes së eventit se brezat e punonjësve kinezë të shkencës janë motivuar nga nevojat e kombit dhe popullit të tij për të kryer kërkimet e tyre dhe për të përmirësuar jetesën e njerëzve.
Duke ngritur lart frymën shkencore, CAST synon të nxisë një mjedis social ku respektohen njohuritë, inovacioni dhe profesionistët, gjë që do të sigurojë talent dhe burime për Kinën për të arritur vetëmjaftueshmëri të cilësisë së lartë në shkencë dhe teknologji, tha Wan.
Ekosistemi i inovacionit të Kinës po përjeton gjithashtu ndryshime të thella, me institucionet kërkimore, udhëheqësit e industrisë dhe një gamë të gjerë kompanish të vogla dhe të mesme duke u bërë shtyllat e inovacionit, tha Wan Gang, president i CAST.
Sipas tij, në këtë drejtim, CAST do të përdorë pasurinë e tij të ekspertëve dhe shoqërive akademike për të ndihmuar kërkimin dhe përpjekjet inovative nga qeveritë lokale, qytetet dhe industritë, duke optimizuar kështu ekosistemin e përgjithshëm të inovacionit të Kinës.
Në të njëjtën kohë, komuniteti shkencor kinez do të vazhdojë të kontribuojë me njohuritë e tij në trajtimin e sfidave globale si Covid-19, ndryshimet klimaterike dhe mungesat e ushqimit, tha Wan, duke shtuar se kjo përfshin zgjerimin e bashkëpunimit pragmatik dhe ndarjen e talenteve, të dhënave, fuqisë llogaritëse dhe burimeve të tjera kërkimore.
Zhang Qingwei, shefi i partisë i provincës Hunan, provinca mikpritëse e eventit të sivjetshëm të Shoqatës Kineze për Shkencën dhe Teknologjinë (CAST), tha se gjatë vizitës së presidentit kinez Xi Jinping në shtator 2020, ai i kërkoi Hunan-it të bëhej një fuqi në prodhimin e avancuar.
Zhang tha se provinca aktualisht shkëlqen në kërkimin hibrid të orizit, superkompjuterin, hekurudhat me shpejtësi të lartë, makineritë e shpimit të tuneleve, instrumentet e shpimit në det të thellë dhe teknologjitë e navigimit satelitor.
Zhang theksoi se provinca Hunan do të forcojë aftësitë e saj kërkimore dhe inovative, do të përmirësojë shërbimet dhe mbështetjen e politikave dhe do ta kthejë rajonin në një destinacion kryesor për inovacionin e shkencës dhe teknologjisë.
Zhang Yuzhuo, nënkryetar i CAST-it, tha gjatë ceremonisë së mbylljes së eventit se organizata do të synojë t'i shërbejë vendimmarrjes së kombit lidhur me shkencën, të mbështesë talentet e rinj dhe të lehtësojë përparimin dhe inovacionin në rajonet e brendshme të Kinës.
Në ditën e fundit të takimit, CAST publikoi renditjen e këtij viti të sfidave kryesore shkencore, inxhinierike dhe industriale. Çdo listë përmban 10 pyetje kërkimore që komuniteti shkencor duhet të trajtojë. Pyetjet kryesore shkencore përfshijnë mënyrën e diagnostikimit të sëmundjes asimptomatike të Alzhajmerit, e ndjekur nga projejtimi i inteligjencëz artificiale të besueshme dhe krijimi i instrumenteve të reja për teknologjitë e informacionit në fushën atomike.
Për inxhinierët, përmirësimi i kultivimit të peshkut në det të hapur të Kinës, krijimi i opsioneve të menaxhimit të mbetjeve me kosto të ulët për minierat e qymyrit dhe krijimi i një mekanizmi gjithëpërfshirës shpëtimi për pacientët me atake kardiogjene janë tre sfidat kryesore.
Tre sfidat kryesore për industritë janë aplikimi klinik i terapisë gjenetike, prodhimi i çipave dhe zhvillimi me karbon të ulët të industrisë së energjisë termike.
