Konsumatorët evropianë tashmë ndodhen në atë fazë të pandemisë me shumë vëmendje për të kursyer, me sigurinë, rreth 41% e tyre sipas statistikave, se do të ndryshojë mënyrën e jetës përgjithmonë dhe duke u përqendruar më shumë për blerje online me shumë vëmendje për çmimin.

Portreti i kësaj metamorfoze vjen nga raporti i konsumatorit të ardhshëm të indeksit të “Ernst&Young”, një paraqitje që përjetëson shenjat e para të një ndryshimi thuajse epokal. Sipas ekspertëve, koronavirusi ka pasur një ndikim të pashembullt në qëndrimin e konsumatorëve. Shumë prej tyre tashmë kanë ndryshuar metodat e blerjes dhe llojin e produkteve të blera.

Konsumatorët janë më të vetëdijshëm dhe të kujdesshëm në lidhje me shëndetin e tyre fizik, me rreth 60% që duan të bëjnë zgjedhje më të shëndetshme, duke i kushtuar më shumë vëmendje ndikimit në mjedis dhe qëndrueshmërisë.

Nën ndikimin e pandemisë, prioritet mbetet ai i kursimeve, me rreth 69% të njerëzve të intervistuar duke u përpjekur të lënë pak më shumë para mënjanë. Shumë prej të anketuarve thonë se kanë shpenzuar më pak për blerje gjatë festave të fundvitit dhe një pjesë e tyre u janë drejtuar uljeve edhe online.

Sipas një studimi evropian, pasiguria ende mbretëron. Muajt e fundit kanë qenë një periudhë transformimesh të mëdha edhe në jetën e përditshme dhe shumë prej këtyre risive pritet të qëndrojnë për një kohë të gjatë. Rreth 27% e personave të anketuar mendojnë se në të ardhmen ata do të punojnë më me fleksibilitet. Dhe disa zakone nga e kaluara do të përpiqen të kthehen.

Për të dalë nga Covid, do të duhet kohë e gjatë dhe sipas ekspertëve, për të rishikuar stabilitetin financiar të së kaluarës do të duhet të presim vite para se të jemi në gjendje të kthehemi për të udhëtuar si në të kaluarën.

Përhapja e papritur e koronavirusit ka mbingarkuar pa paralajmërim ekonomitë e brendshme dhe botërore, duke shkaktuar prishjen e ekuilibrave ekonomikë dhe socialë të konsoliduar tashmë, duke i detyruar të gjithë të qëndrojnë me ankth në pritje të një kthimi në normalitetin e lakmuar.

Në studimin “Covid-19: Një përmbledhje e ndryshimeve të stilit të jetës së klientit dhe lindjes së trendeve të reja”, një ekip nga “BIP Group” analizoi ndikimin në mjedis dhe në kontekstin përreth shkaktuar nga masat shtrënguese të miratuara për të trajtuar pandeminë, që i kanë detyruar individët dhe organizatat të ndryshojnë zakonet e tyre dhe t'i atribuojnë një vlerë të re konteksteve që frekuentojnë.

Një nga aspektet më domethënëse që doli nga studimi theksoi se e gjithë kjo ka ndryshuar në mënyrë të pashmangshme sjelljet që individët marrin si persona, punëtorë dhe konsumatorë, duke ndikuar si pasojë në komunitetet që ata frekuentojnë. Pandemia ka prekur anën humane të njerëzve, duke i bërë ata të kenë një ndjenjë frike nga ndërveprimet shoqërore. Frika ka rritur kërkimin e furishëm të informacionit, sikur këto në një farë mënyre të imunizojnë dhe mbrojnë nga ekspozimi ndaj rrezikut të infektimit, si nga vetja ashtu edhe nga të dashurit e tyre.

Një nga efektet më të dukshme të pandemisë u regjistrua në ndryshimin e zakoneve, si në stilin e jetës dhe në konsum. Sjelljet e reja u shtynë nga bllokimi, megjithatë përhapja e shtuar e praktikës së tregtisë elektronike dhe shtimi i përdorimit të pagesave digjitale mund të përfaqësojë një hapje drejt tendencave të reja të tregtisë së automatizuar, tregti e cila përdor Inteligjencën Artificiale për të ridizajnuar rregullat e tregtisë tradicionale.

Me kthimin gradual në një jetë shoqërore më afër zakoneve të vjetra, lind pyetja nëse sjelljet, disa prej të cilave ndonjëherë ekstreme të vëzhguara në karantinë, do të mbesin post-Covid apo do të evoluojnë akoma. Nëse të menduarit sociologjik shkon drejt një ndryshimi të zgjatur të sjelljeve shoqërore, marrëdhënieve dhe vlerave kulturore, nuk është e mundur të dihet se çfarë do të ndodhë më tej.

Ajo që duket e padyshimtë është se të gjitha bizneset do të përballen me një sfidë që shkon përtej ndryshimit, por që thekson konceptin e personalizimit për t'u lidhur me ndryshimet që mund të ekzistojnë në veprimet dhe reagimet e konsumatorëve në lidhje me kthimin progresiv në normalitet.

Nëse nga njëra anë, në fakt, ndryshimet e konsiderueshme në zakone do të mund të ishin të destinuara të vazhdonin, të mbështetura nga disponimi paraprak dhe i frikshëm, nga ana tjetër shumë po kërkojnë furishëm për normalitetin e humbur, përmes sjelljeve pothuajse rituale dhe përkujtimore të jetës para Covid.

Kjo dikotomi amplifikon nevojën e kompanive për të investuar në kërkimin e përdoruesve, në përvojën, përdorshmërinë dhe pozicionimin e markës së tyre, për të identifikuar se cilat modele duhen ridizajnuar dhe bashkëveprimin me klientët. Kjo mund të lejojë për të vendosur nëse do të investohet në lidhje me kujdesin ndaj klientit, me kontaktet shoqërore, ose në teknologji dhe operacione që, duke krijuar një kanal të vetëm, mundëson një përvojë rrjedhëse mes fizikes dhe virtuales.

Përfitimet e mëtejshme mund të vijnë nga një ripërtëritje e identitetit të markës, në mënyrë që të akordohet në vlera që gjatë emergjencës kanë fituar një rëndësi më të madhe në sytë e konsumatorëve, të tilla si transparenca, përfshirja në shkaqe sociale dhe vëmendja ndaj nevojave të klientëve dhe punonjësve.

Qëllimi i këtyre ndërhyrjeve është të heqin pasigurinë nga ndryshimi dhe të rrisin besimin në modelet inovative që lejojnë organizatat e biznesit të jenë të suksesshme në këtë kontekst të karakterizuar nga një paqëndrueshmëri e madhe.

Përgatiti: Irma Paloli