turizmi covi messaggero
Zvarritja e emergjencës shëndetësore ndikon te ekonomia që do të çojë në një ulje të fortë të aktiviteteve të prodhimit në të gjithë sektorët. Në këtë periudhë, njerëzit bëhen dëshmitarë të rënies së shitjeve, anulimit të kontratave tregtare dhe detyrave profesionale, anulimit të përhapur të ngjarjeve, ekspozitave, porosive dhe rezervimeve si në sektorin e turizmit ashtu edhe në biznes, si dhe mosdorëzimin ose dërgimin e vonuar të mallrave te klienti.
Sipas të dhënave të Eurostat dhe nga Parashikimi Ekonomik i Përkohshëm i Organizatës për Bashkëpunimin Ekonomik dhe Zhvillimin (OECD), parashikohet gjithashtu një ngadalësim i PBB-së globale në 2.4% në vitin 2020, krahasuar me 2.9% në 2019. Ndërsa në Evropë, duke marrë shembull Italinë, një ndër vendet e para të kontinentit të vjetër të prekur rëndë nga pandemia, agjencia e vlerësimit “Crated” pret moszgjedhjen e 1 kompanie italiane nga 10, nëse kriza shëndetësore nuk ndalet brenda vitit.
Një nga sektorët në të cilët epidemia po ndikon më shumë është dhe ai i turizmit. Përhapja e koronavirusit ka shtyrë disa qeveri të listojnë vendet ku nuk rekomandohet për udhëtime dhe udhëtime biznesi dhe një ndër tyre ishte Italia. Ndikimi u ndje së tepërmi, me projeksionin e një kolapsi të paparë sidomos në sezonin e pashkës. Ky sektor pësoi anulime të barabarta me rreth 80% për qytetet dhe deri në 95% në male. Ky fenomen nuk ka të bëjë vetëm me zonat e prekura direkt, por të gjithë vendin.
Thuajse në të gjithë botën u anuluan udhëtime ndaj vendeve të tjera, të të gjitha llojeve të cilat patën një ndikim të fortë në ekonominë lokale të çdo shteti, duke pasur humbje me miliona euro.
Shtetet evropiane, kryeqendra të turizmit, panë zhytjen e këtij sektori në një kolaps të paparë, me humbje kolosale. Sytë ishin nga qeveritë me skemat financiare ndihmëse, për të mbuluar disi shpenzimet dhe për të mbështetur punonjësit, ata të paktë që mbetën në shërbim, pasi u pa që kishte humbje në masë të vendeve të punës.
turizmi covid greenmatch
Anulime të udhëtimeve pati për programet shkollore nga njëri vend në tjetrin, por dhe të ngjarjeve të rëndësishme publike si karnavalet, panairet e rëndësishme tregtare rreth të cilave fokusohen interesa të rëndësishëm ekonomikë.
Tkurrje pati dhe konsumi total i mallrave dhe shërbimeve nga udhëtarët në vendin e vizituar, akomodimi, ushqimi, argëtimi, suvenire, dhurata, sende të tjera për përdorim personal, etj.. Sipas një studimi të Institutit Demoskopika, kjo do të ishte një pasojë e drejtpërdrejtë e zvogëlimit të mbërritjeve, me një rënie prej rreth 40%.
Vlerësimet u bënë duke marrë parasysh të dhënat e viteve të mëparshme nga raportet e Statistikës, si dhe duke monitoruar rastet pozitive të vendeve të prekura më rëndë nga Covid. Shifra e llogaritur e mbërritjeve u shumëzua me shpenzimet mesatare turistike, të marra nga sondazhi mbi turizmin ndërkombëtar, kryer nga secili vend i identifikuar.
Hipoteza themelore është se udhëtarët që banojnë në vendet ku ka pasur raste të koronavirusit, të shtyrë nga ndjenja e frikës, anulojnë rezervimet dhe kufizojnë udhëtimin për të zvogëluar gjasat e ngjitjes. Sindroma e ngjitjes, e nxitur gjithashtu nga informacione të pakta dhe joadekuate, rrezikon të ketë pasoja shkatërruese në shumicën e sistemeve rajonale turistike.
Pandemitë në epokën e rrjeteve sociale kanë efekte të mëdha mediatike në imazhin dhe atraktivitetin e një vendi. Nuk duhet shumë dhe kërkesa bie. Kjo është parë kryesisht në qytetet më të vizituara nga turistët në qytetet kryesore evropiane, si Italia, Franca, Spanja, Gjermania, që kanë pasur një fluks të madh turistësh në periudha të caktuara, pasi u prekën më rëndë nga pandemia dhe u këshillua mos vizitimi i tyre për të shmangur përhapjen e mëtejshme të infektimeve. Territorialisht, pasojat kryesore do të jenë destinacionet turistike që vlerësohen më shumë nga ana strukturore nga turistët ndërkombëtarë.
turizmi el universal
Këto të dhëna, padyshim, duhet të konsiderohen duke u përkeqësuar, në dritën e evolucionit të vazhdueshëm të virusit që sheh rritjen e numrit të njerëzve të infektuar dhe, mbi të gjitha në konsideratë të pranisë së variablave të rinj që do të ndikojnë në mënyrë të pashmangshme në të dhëna, ose masat ministrore, të cilat kufizojnë lëvizjet dhe grumbullimet, për të përmbajtur përhapjen e epidemisë, ndoshta do të ndikojnë negativisht në vlerësimet e bëra.
Pas kalimit të fazës së parë të shpërthimit të virusit, mbylljes dhe rihapjes që pa një lulëzim të turizmit kryesisht lokal, ku njerëzit frekuentuan zonat turistike të vendeve përkatëse, tashmë bota po përjeton një valë të dytë të pandemisë, që ka sjellë sërish mbylljen e shteteve, gjë që ndikon edhe te turizmi, automatikisht edhe te ekonomia.
Ndikimi i këtij skenari ekonomik te kompanitë mund të jetë i vështirë për t'u kapërcyer, veçanërisht ato më të vogla, me pasoja të mëdha jo vetëm në qarkullim, por edhe në punësim në aspektin strukturor.
Për të gjetur fondet e nevojshme për të mbuluar kostot e tyre, kanalet alternative të financimit mund të përdoren nga ato që shfrytëzohen zakonisht, të tilla si burimet evropiane, në lidhje me programimin 2014-2020. Ndaj, është propozuar të aktivizohet, përmes Agjencisë për Kohezionin Territorial, një monitorim dhe identifikim i këtyre burimeve.
Sipas një përpunimi të dhënash të realizuar nga “Federterziario”, kjo është mundësia për të modifikuar marrëveshjet e partneritetit dhe rregulloret e komunitetit, të cilat bllokojnë shpenzimet e fondeve të BE-së të caktuara për secilin vend individual. Nuk është fjala për të qenë në gjendje të bëhen më shumë deficite, të cilat në çdo rast gjenerojnë borxhe për brezat e ardhshëm, por të kenë fleksibilitetin e duhur të burimeve tashmë të programuara në kontekste të zakonshme.
Irma Paloli/Fani
