Kong Xiangrui, një punëtor model kombëtar dhe inxhinier 67-vjeçar në Portin Tianjin, tha se gjatë dekadave të fundit ai ka dëshmuar ndryshime të thella, duke përfshirë transformimin e madh të portit në një port më të gjelbër, të drejtuar nga inteligjenca artificiale e klasit botëror.
Kong Xiangrui me kolegë(Foto:Xinhua)
Në 10 vitet e fundit porti është shndërruar në një nga 10 më të mirët në botë për sa i përket kapacitetit të përgjithshëm të trajtimit.
Statistikat tregojnë se vitin e kaluar, xhiroja e kontejnerëve arriti në rreth 20 milionë njësi TEU, më shumë se 10.4 për qind nga viti në vit, dhe qëndroi në 8.47 milionë TEU gjatë pesë muajve të parë të këtij vitit, 2.2 për qind më i lartë se e njëjta periudhë e një viti më parë.
Kong filloi të punojë në port në vitin 1972, kur pak banorë të Tianjin menduan të gjenin punë për ngarkimin e anijeve dhe filluan të trajnohen si operator vinçi.
Gjatë karrierës së tij, Kong, i cili ka vetëm një certifikatë diplomimi të shkollës së mesme, iu përkushtua përparimeve teknologjike.
Porti Tianjin(Foto:VCG)
Ai është përshëndetur si ekspert nga mediet kryesore kombëtare për 220 arritjet e tij teknologjike dhe 16 patentat e nivelit kombëtar të grumbulluara gjatë 40 viteve të fundit.
Statistikat nga porti treguan se rritjet ekonomike të gjeneruara nga përparimet e Kongut arritën në rreth 100 milionë juanë (15.6 milionë dollarë).
Ai ka shkruar përmbledhje të 442 metodave të mirëmbajtjes së makinerive, të cilat u janë mësuar homologëve në të gjithë vendin nga Ministria e Transporteve.
Në vitin 2012, në Portin Tianjin, u krijua “Kong Xiangrui Model Worker Innovation Studio”. Si rezultat i suksesit të tij të madh, ai u nderua si punëtor model kombëtar dy herë gjatë karrierës së tij. Në vitin 2014, studioja u emërua si studio model inovacioni nga Federata e Sindikatave të mbarë Kinës.
Porti Tianjin(Foto:VCG)
Studioja ka përmbushur objektivat, duke promovuar qindra risi dhe duke prodhuar shumë modele të reja. Kong doli zyrtarisht në pension në moshën 65-vjeçare në vitin 2017, por u bë gjyqtar i konkursit vjetor të aftësive profesionale në nivel kombëtar nga ministria.
Tani edhe më i zënë se më parë, Kong vazhdon të trajnojë inxhinierë të rinj gjatë eventit në të cilën kanë marrë pjesë mijëra garues. “Më bëri përshtypje kompetenca dhe aftësia e tyre për t'u rritur. Gjatë kësaj kohe të Inteligjencës Artificiale, transformimi nga punonjës të zakonshëm të portit në ekspertë të IA është prioriteti i tyre kryesor”, -tha Kong.
Kong asnjëherë nuk e ka lënë pas studimin. Ai është i pranishëm në forumet e punëtorëve model të portit dhe në Konkursin e Aftësive Teknologjike të Kupës Kong Xiangrui.
Porti Tianjin(Foto:VCG)
Ai tha se të ndihmosh portin duke trajnuar inxhinierë dhe duke iu përkushtuar fushatës për të trajnuar më shumë artizanë kombëtarë janë misione të dyfishta dhe se ai do t'ua kalojë frymën e mjeshtërisë kombëtare më shumë inxhinierëve të rinj.
Duke aplikuar 5G, Sistemin Satelitor të Navigimit “Beidou”, inteligjencën artificiale dhe teknologjinë “blockchain”, Porti Tianjin pret të vendosë një pikë referimi për transformimin e portit inteligjent në mbarë botën.
