Nënat që punojnë në fabrika në rajonin Pearl River Delta të Kinës, gjithashtu qendra e saj prodhuese, tani mund të arrijnë një ekuilibër mes punës dhe jetës personale, falë vendeve të punës të krijuara për punëtoret me fëmijë.
Foto:VCG
Më shumë se 30 milionë punëtorë migrantë në mbarë vendin janë tërhequr në rajon. Vitet e fundit, nën politikat inkurajuese të Kinës për lindjen e fëmijëve, gjithnjë e më shumë punëtorë të fabrikës janë vendosur në rajon me më shumë se një fëmijë në familjen e tyre.
Duke u përballur me mungesën e fuqisë punëtore dhe rritjen e barrës prindërore të grave punëtore, disa fabrika rajonale kanë hapur vende pune për nënat, me orare më elastike pune, por të njëjtën punë, siguri në punë dhe mirëqenie.
“Zhongshan Richsound Electronic Industrial Ltd”, një kompani e tregtisë së jashtme, dikur nuk kishte mjaftueshëm punëtorë në kohën kur numri i porosive ishte shumë i lartë”, - tha Yu Qing, nëndrejtor i kompanisë.
Në vitin 2019, kompania vizitoi fshatrat pranë dhe gjeti shumë amvisa vendase, të gatshme për të punuar në linjat e montimit. Megjithatë, modeli tradicional i punës në linjat e prodhimit ndërhyn në jetën e tyre familjare.
Foto:VCG
Pas disa rregullimeve të synuara në linjat e prodhimit, kompania ngriti të ashtuquajturat “pozicionet për nënat”, ku ato mund të përfshihen në procese të thjeshta prodhimi. Aktualisht, një e treta e punonjëseve të kompanisë janë në këto pozicione pune.
Lin Yumei tani mund të kujdeset për dy fëmijë në shtëpi, ndërsa punon në fabrikën e kompanisë. "Kam kërkuar mundësi pune për më shumë se një vit. Puna e zakonshme në fabrikë kërkon orë të gjata, ndërsa sektori i shërbimeve, si restorantet, ka një orar pune të kundërt me kohën e prindërimit",- tha Lin.
Megjithatë, një pozicion pune i dedikuar për gratë me fëmijë në punën e saj aktuale në “Zhongshan Richsound Electronic Industrial Ltd.”, i lejon të largohet rreth orës 16:30, koha e duhur për t'u kthyer në shtëpi dhe për të përgatitur ushqimin për fëmijët e saj.
Duke marrë parasysh edhe emergjencat dhe nevojën për pushim të përkohshëm, kompania trajnon gjithashtu një pjesë të stafit për t'iu përshtatur pozicioneve të ndryshme. Sa herë që nënat kërkojnë ditë pushimi, stafi kompetent mund të ndihmojë në përfundimin e punës së tyre në kohë.
Yang Shaoren u zhvendos në pozicionin e punës së nënave pasi mbeti shtatzënë dhe tani ajo është në mesin e punonjësve të trajnuar, për të ndihmuar fabrikën të përmbushë nevojat urgjente. "Unë jam e aftë për të gjitha llojet e punëve në punishte. Fabrika nuk ka nevojë të shqetësohet kur nënat që punojnë kanë nevojë për një ditë pushimi",- tha ajo.
Disa kompani dyshojnë se një orar i tillë fleksibël i punës për gratë mund të sigurojë shpërndarjen e suksesshme të produkteve, veçanërisht në kulmin e porosive. Por Yu nuk pajtohet me këtë.
Të dhënat e monitorimit kanë treguar se puna 8-orëshe e nënave mund të prodhojë të njëjtin kapacitet si përpjekjet 10-orëshe të punëtorëve të tjerë dhe produktet e punës së tyre sugjerojnë për një cilësi më të lartë. “Prandaj, detyra e prodhimit të produkteve të nivelit të lartë shkon në punëtoritë e nënës", - tha Yu. "Është thjesht një rregullim i vogël, por i sjell kompanisë fitime të mëdha. Me kapacitet të mjaftueshëm prodhimi në mes të epidemisë së Covid 19, nënat që punojnë mund të bëjnë porosi të vlefshme për kompaninë tonë".
Një kompani tjetër vendase, “Zhongshan Zhiniu Electronic Co., Ltd.”, i shpalli pozicionet e punës për nënat në vitin 2016. Tani 86 për qind e stafit të punishtes përbëhet nga nëna.
Për të ndjekur trendin, panaire pune që synojnë nënat janë mbajtur në qytetin Zhongshan, provincën Guangdong të Kinës jugore. Në to ofrohen mundësi pune në sektorët e shitjes, shërbimeve ndaj klientit dhe të ngjashme. Më shumë se 2,000 pozicione pune për nënat janë siguruar nga qeveria komunale, duke ndihmuar mbi 500 gra të gjejnë punë.
"Kjo politikë është pranuar mirë nga punonjësit. Ajo ndihmon në trajtimin e mungesës së fuqisë punëtore të disa ndërmarrjeve dhe më shumë kompani po i kthejnë sytë nga pozicionet e reja",- tha Li Yongyu nga zyra e menaxhimit të personelit të qytetit.
Yu beson se ndërsa Kina krijon politika mbështetëse për të inkurajuar lindjen e fëmijëve, do të ketë një numër në rritje i familjeve me më shumë se një fëmijë.
“Pozicionet e punës për nënat është përgjigja më e fundit e ndërmarrjeve prodhuese ndaj prirjes së pashmangshme. Gjithnjë e më shumë vende pune me orare fleksibël ka të ngjarë të miratohen në të ardhmen",- shtoi Yu.
