Festivali i Këngës në Radiotelevizionin Shqiptar në edicionin e tij të 58-të do të ngjisë në sallën e Pallatit të Kongreseve në Tiranë 20 konkurues në datat 19 dhe 20 dhjetor, për të kulmuar në natën finale, të ndarjes së çmimeve më 22 dhjetor. Ky edicion i është besuar regjizores së njohur Vera Grabocka, e cila rikthehet në drejtimin e kësaj veprimtarie pas 25 vjetësh. Ndërsa moderatore e festivalit do të jetë Alketa Vejsiu.

Juria e Festivalit, e drejtuar nga muzikanti i njohur Zhani Ciko shpalli në fund të tetorit pjesëmarrësit e këtij eventi mbarëkombëtar, këngëtarë shqiptarë brenda dhe jashtë kufijve. Muzikanti Ciko thotë se në listën e këngëtarëve bien në sy emra të njohur, të vjetër dhe të rinj, të cilët me krijimet e tyre pritet të pasurojnë fondtin e RTSH-së dhe të ngrenë më lartë këngën shqiptare.

Në cilësinë e anëtares së jurisë, këngëtarja e njohur Soni Malaj tregon se për ta nuk ka qenë e lehtë përzgjedhja

Ndër emrat e këngëtarëve të njohur konkurues në Festivalin e sivjetëm spikatin Albërie Hadërgjonaj, Bojken Lako, Arilena Ara, Elvana Gjata, Era Rusi, Genc Tukici, Eli Fara, por dhe të rinj si Sara Bajraktari e Ëendy Mancaku.

Mes tyre do të jetë fituesi i këtij edicioni, i cili do të prezantojë Shqipërinë në sfidën e Eurovizion-it do të zhvillohet në Rotterdam, Hollandë, në maj 2020.

Festivali i Këngës është veprimtaria më i rëndësishme e RTSH-së që përmbyll kalendarin artistik vjetor.