20151229PROMO |
Vitet e fundit është rritur ndjeshëm numri i të rinjve shqiptarë që kanë zgjedhur Kinën për studime në fusha të ndryshme, duke shtuar dhe shkëmbimet mes të rinjve të të dy vendeve. Qeveria kineze prezantoi ditët e fundit "Planin e shkëmbimeve të 1 mijë të rinjve midis Kinës dhe vendeve të Evropës Qendrore e Lindore" për të nxitur njohjen mes të rinjve.
Duke marrë shkas nga kjo "Ejani" Video pranë CRI-Shqip realizoi dokumentarin "Jam në Kinë" në shqip dhe kinezisht. Përgjatë një viti gazetarët e CRI shqip fokusuan në kamera jetën e 7 studentëve shqiptarë në Kinë, duke i bërë protagonistë të dokumentarit.
Dokumentari prej afro 60 minutash është realizuar si një triptik. Në pjesën e parë me titull "Jeta" ai na njeh me jetën e çiftit Konda, të dy studentë pasuniversitarë në Kinë. Pjesa e dytë titullohet "Kultura" dhe rrëfen përvojën e shqiptares Nertila Sinameta në kontaktet me kulturën dhe miqtë kinezë, duke mbetur e befasuar nga kjo pasuri e njerëzimit. Ndërsa pjesa e fundit e dokumentarit trajton ëndrrën e studentëve shqiptarë pas diplomimit në universitetet kineze dhe planet e tyre për të ardhmen.