Dhjetëra oficerë policie të Forcave të Ndërhyrjes së Shpejtë të Shqipërisë (FNSH) janë dërguar në pikat e kontrollit kufitar me Greqinë dhe Maqedoninë për të përballuar fluksin e mundshëm të refugjatëve, raportoi të mërkurën Albanian Daily News.

Njësitë e FNSH-së janë dërguar në pika të ndryshme kufitare si atë të Qafë Thanës, Kapshticës, Tre Urave, Kakavijës dhe Qafë Botës, për të mbajtur nën kontroll situatën.

Njësitë e specializuara për menaxhimin e turmave të cilat janë vënë në kufirin jugor të Shqipërisë do të mbështeten nga njësitë e Drejtorisë së Kufirit.

Disa media po spekullojnë se emigrantët dhe refugjatët nga Lindja e Mesme në përpjekje për të arritur në Europë mund të gjejnë një rrugë të re: emigrantët në të ardhmen mund të hyjnë nga Greqia në drejtim të Shqipërisë dhe mund të kalojnë drejt Europës Perëndimore nëpërmjet Malit të Zi, Bosnjë Hercegovinës dhe Kroacisë.(Raela)