Ministria e Jashtme e Kinës ka hedhur poshtë disa raportime të medieve turke mbi rajonin e Xinjiang-ut, që është bërë pjesë e protestave të fundit anti-Kinë në Turqi.
Zëdhënësja e Ministrisë së Jashtme të Kinës Hua Chunying ripërsëriti se ujgurët në rajonin e Xinjiang-ut gëzojnë liri fetare nën Kushtetutën e Kinës.
Njoftimet e medieve turke kanë akuzuar Kinën se po pengon myslimanët në rajonin e Xinjiang-ut që të agjërojnë gjatë muajit të shenjtë të Ramazanit.
Zëdhënësja i quajti njoftime të tilla si të 'fabrikuara' dhe 'shpifje'.
Ajo i bëri thirrje qeverisë turke të marrë masa efektive për mbrojtjen e shtetasve dhe subjekteve kineze në Turqi.