Në një komunikatë për shtyp të presidencës franceze të hënën thuhet se presidenti Hollande zhvilloi një bisedë telefonike me kancelaren gjermane Angela Merkel, presidentët Putin dhe Poroshenko, lidhur me zbatimin e marrëveshjes së Minskut të arritur më 12 shkurt.

Megjithë përmirësimin e situatës në lindje të Ukrainës, ka ende punë për të bërë dhe liderët e katër vendeve ranë dakord që OSBE-ja të mbikqyrë zbatimin e marrëveshjes së Minskut, shton komunikata. Udhëheqësit e katër vendeve shprehën mendimin se duhet të forcohet lidhja me Kryqin e Kuq Ndërkombëtar, të nxiten palët për lirimin e robërve të luftës dhe të përmirësohet situata humanitare në zonën e konfliktit, duke u krijuar grupe pune. (Vera)