Kombet e Bashkuara llogarisin se numri i të vrarëve në Ukrainën Lindore që nga fillimi i luftës një vit më parë i kaluar gjashtë mijët.
Zëvëndëskryetarja e Misionit të Monitorimit të të Drejtave të Njeriut në Ukrainë të OKB-së, Fiona Frazer, shprehet se gjendja në Ukrainë është ende e rëndë, pavarësisht armëpushimit të tanishëm:
"Përshkallëzimi është veçanërisht shqetësues dhe unë mendoj se duhet të përqendrohemi tek njerëzit e prekur drejtpërdrejt në zonat e konfliktit dhe civilët që po vuajnë. Shumë njerëz kanë mbetur të bllokuar, pa ushqim, pa ndihmë shëndetësore, pa ujë e elektricitet."
Lufta në Donetsk dhe në Luhansk në Ukrainën Lindore filloi prillin e kaluar, një muaj pas aneksimit të gadishullit të Krimesë.
Sekretari amerikan i Shtetit John Kerry dhe ministri i Jashtëm rus Sergei Lavrov janë takuar të hënën.
Armëpushimi i brishtë thuhet se po respektohet gjerësisht, edhe pse ka pasur luftime sporadike.
Si Kievi, ashtu dhe rebelët e kanë tërhequr artilerinë e rënde në përputhje me marrëveshjen e armëpushimit të arritur në Misk muajin e kaluar. (RAELA)