Lideri kazak i bëri këto vlerësime ndërsa shoqëroi presidentin kinez Xi Jinping në vizitën në Almaty, qyteti më i madh i Kazakistanit, njëherësh vendlindja e Nazarbayev.Të dy udhëheqësit fluturuan drejt Astanës, në bordin e avionit të kreut të shtetit kinez.
Presidenti i Kazakistanit shprehu dëshirën për hartimin e strategjive dypalëshe të bashkëpunimit. Ndërsa homologu i tij kinez Xi Jinping tha se përveç rritjes ekonomike, Kina do të ristrukturojë më tej cilësinë e zhvillimit ekonomik.
Të dy liderët vlerësuan se vizita e kreut të shtetit kinez Xi në Kazakistan ishte e suksesshme, pasi të dy palët ranë dakord për zhvillimin e mëtejshëm të marrëdhënieve bilaterale dhe nënshkruan një sërë marrëveshjesh të rëndësishme. (Eda Merepeza)