Foto nga VCG

Kina do të thellojë bashkëpunimin me palët e tjera për Iniciativën e Zhvillimit Global, do të vazhdojë të ndajë mundësitë e zhvillimit të krijuara përmes modernizimit kinez dhe do të përshpejtojë zbatimin e Axhendës 2030 të OKB-së për Zhvillim të Qëndrueshëm, deklaroi në një konferencë shtypi zëdhënësja e Ministrisë së Jashtme të Kinës, Mao Ning, citon “Xinhua”.

Foto nga VCG

Sipas saj, gjatë tre viteve të fundit, më shumë se 100 vende dhe shumë organizata ndërkombëtare, përfshirë Kombet e Bashkuara, kanë mbështetur dhe marrë pjesë në Iniciativën e Zhvillimit Global. Për më tepër, më shumë se 80 vende i janë bashkuar Grupit të Miqve të Iniciativës për Zhvillim Global.

Ajo tha se Kina ka krijuar një Fond të Zhvillimit Global dhe Bashkëpunimit Jug-Jug, i cili ka mbështetur më shumë se 150 projekte.

Foto nga VCG

“Nisma e Zhvillimit Global është propozuar nga Kina. Mundësitë dhe rezultatet që ajo ofron ndahen nga bota”,- tha Mao, duke shtuar se në debatin e ardhshëm të përgjithshëm të Asamblesë së Përgjithshme të OKB-së, ministri i Jashtëm kinez, Wang Yi, do të diskutojë me të gjitha palët mbi zhvillimin, bashkëpunimin dhe bashkimin e forcave që mbështesin zhvillimin dhe rigjallërimin e Jugut Global.  (Irma)