Foto nga CFP

Hamasi njoftoi se udhëheqësi i saj në Gaza, Yahya Sinwar, do të zëvendësojë Ismail Haniyeh në krye të byrosë së tij politike, bën të ditur “RTSH”. Izraeli  e ka akuzuar publikisht Sinwar-in se është organizatori i sulmit terrorist të Hamasit kundër Izraelit më 7 tetor, duke e bërë atë një nga objektivat kryesore të luftës së Izraelit në Gaza.

Zyrtarët amerikanë besojnë se ai fshihet në kufirin e madh të tuneleve të hapura nën Gaza, duke lëvizur shpesh dhe ndoshta i rrethuar nga pengje si mburoja njerëzore.

61-vjeçari nuk është parë në publik që nga sulmet në tetor dhe besohet se fshihet "10 kate nën tokë" në Gaza, tha në qershor sekretari amerikan i Shtetit, Antony Blinken.

Paraardhësi i Sinwar, Haniyeh, u vra në Teheran javën e kaluar, duke shtuar frikën se konflikti i Izraelit me Hamasin dhe aleatët e tij mund të shndërrohet në një luftë me shumë fronte dhe të plotë në Lindjen e Mesme.

Qeveria iraniane dhe Hamasi thonë se ka qenë Izraeli që kreu atentatin. Izraeli as e ka konfirmuar e as mohuar përfshirjen e tij. (Elona)