CFP

Kina ka ndarë 238 milionë juanë (rreth 33.35 milionë dollarë amerikanë) fonde për të ndihmuar në lehtësimin e fatkeqësive dhe restaurimin e prodhimit bujqësor në pesë rajone të goditura nga përmbytjet, njoftoi Ministria e Financave, citon “Xinhua”.

Sipas ministrisë, paratë do të përdoren për të menaxhuar të korrat e dëmtuara nga përmbytjet, për të rivendosur objektet bujqësore të dëmtuara dhe për të mbështetur kontrollin e përmbytjeve dhe kullimin e fushave të mbytura me ujë, mes përpjekjeve për të zbutur ndikimet e përmbytjeve në prodhimin bujqësor në Henan, Hunan, Chongqing, Sichuan dhe Shaanxi.

Të martën, Observatori Kombëtar i Kinës lëshoi një alarm portokalli për stuhi shiu, niveli i dytë më i lartë në sistemin e paralajmërimit me katër nivele të vendit.

CFP

Pritet që reshjet e dendura të shiut deri në 200 mm të prekin shumë rajone, duke përfshirë kryeqytetin Pekin dhe fqinjët Hebei dhe Tianjin, si dhe Chongqing, Yunnan dhe Guangdong.

Observatori lëshoi gjithashtu një alarm të verdhë për mot të keq me stuhi dhe breshër, që mund të prekë rajone si Mongolia e Brendshme e Kinës, Heilongjiang, Jilin, Hebei dhe Tianjin. (Irma)