Foto nga CFP

Një sërë rregullash që synojnë mbrojtjen e përdoruesve të internetit nga dhuna në hapësirën kibernetike pritet të hyjnë të enjten në fuqi në Kinë.

Sipas rregullave, ofruesit e shërbimeve të informacionit të internetit duhet t'u ofrojnë përdoruesve mundësinë që të marrin vetëm mesazhe private nga miqtë, ose të refuzojnë të gjitha mesazhet private, në mënyrë që të shmangin përmbajtjet e paligjshme ose të dëmshme në internet që synojnë individë, si fyerje, thashetheme, shpifje dhe diskriminim, shkruan “Xinhua”.

Ofruesit e shërbimeve të informacionit të internetit inkurajohen të zbatojnë funksione si filtrimi inteligjent i mesazheve ose filtrimi i personalizuar i fjalëve kyçe, sipas rregulloreve.

Atyre u kërkohet gjithashtu të ofrojnë funksione, të tilla si mbledhja e shpejtë e provave, për të ndihmuar përdoruesit në mbrojtjen e të drejtave të tyre.

Rregullat u publikuan së bashku nga Administrata e Hapësirës Kibernetike të Kinës, Ministria e Sigurisë Publike, Ministria e Kulturës dhe Turizmit dhe Administrata Kombëtare e Radios dhe Televizionit. (Irma)