CFP

Prodhimi i gazit natyror në Kinë ka ruajtur një rritje të qëndrueshme në pesë muajt e parë të vitit, treguan të hënën të dhënat nga Zyra Kombëtare e Statistikave (NBS), njofton “Xinhua”.

Vendi prodhoi 103.3 miliardë metra kub gaz natyror në periudhën janar-maj, 5.2 për qind më shumë se një vit më parë.

Importet e gazit natyror të Kinës gjithashtu shënuan rritje të shpejtë gjatë kësaj periudhe. Një total prej 54.28 milionë tonë gaz natyror u importua në pesë muajt e parë të vitit, me një rritje prej 17.4 për qind në baza vjetore.

Vetëm në maj, prodhimi i gazit natyror u rrit me 6.3 për qind në baza vjetore në 20.3 miliardë metra kub, sipas Statistikave. (Fatosi)