CFP

Gjykatat në të gjithë Kinën trajtuan rreth 259.000 çështje të shkallës së parë në lidhje me mjedisin dhe burimet, si dhe përfunduan 232.000 raste të tilla në vitin 2023, njoftoi Gjykata e Lartë Popullore (SPC) të mërkurën, citon “Xinhua”.

Numri i rasteve të shkeljeve mjedisore në Kinë shënoi rënie vitin e kaluar. Megjithatë, kishte ende një shpërndarje të pabarabartë rajonale të këtyre rasteve, me rastet e ndotjes së ujit dhe zhurmës që renditeshin në krye për sa i përket numrave, thuhet në raport.

Në vitin 2023, pati një rritje të numrit të çështjeve administrative mjedisore së bashku me një rekord të ulët në numrin e çështjeve penale mjedisore.

Sipas raportit, numri i gjyqeve për mjedisin dhe burimet u rrit me 15.95 për qind nga një vit më parë.

SPC-ja publikoi 10 raste tipike që përfshijnë mjedisin dhe burimet, që përfshinin fusha të tilla si parandalimi dhe kontrolli i ndotjes së mjedisit, shfrytëzimi dhe përdorimi racional i burimeve, mbrojtja e diversitetit biologjik dhe emetimet maksimale të karbonit dhe neutraliteti i karbonit. (Irma)

CFP