Foto Panorama

Grupi militant Shteti Islamik (IS) mori përgjegjësinë për një sulm me armë zjarri ndaj turistëve në provincën Bamiyan në Afganistan, njofton “Panorama”.

Tre turistë spanjollë u vranë dhe një tjetër u plagos në sulmin që ndodhi më 17 maj, konfirmoi Ministria e Jashtme e Spanjës.

Abdul Matin Qane, zëdhënësi i Ministrisë së Brendshme të udhëhequr nga qeveria talebane, tha se katër persona janë arrestuar si të dyshuar për sulmin.

Përveç tre turistëve të huaj, i vrarë mbeti edhe një qytetar afgan dhe u plagosën edhe katër të huaj dhe tre afganë

Në Bamiyan ndodhet një zonë e mbrojtur nga UNESCO dhe mbetjet e dy statujave të mëdha të Budës, të cilat u hodhën në erë nga talebanët gjatë sundimit të tyre më 2001-shin.