Hapet në aeroportin Shenzhen salla e parë për kafshët shtëpiake
2024-05-18 18:16:09

foto nga

foto nga "China Daily"

Aeroporti Ndërkombëtar në Shenzhen Bao'an ka hapur sallën e parë speciale të Kinës për kafshët shtëpiake, pasi numri i tyre në rritje në qytet ka krijuar një kërkesë të madhe për akomodime.

Salla e pritjes prej 210 metrash katrorë është e pajisur me një sistem gjithëpërfshirës që mund të sigurojë monitorim 24-orësh të temperaturës, lagështisë, niveleve të PM2.5 dhe PM10 dhe amoniakut dhe është në gjendje të japë paralajmërime të hershme, shkruan “China Daily”.

foto nga CFP

foto nga CFP

Çdo kafshë shtëpiake ka një hapësirë të veçantë dhe ofrohen shërbime si kontrollet e sigurisë, inspektimi i rregullt, ushqimi dhe kujdestaria falas për shkak të vonesave të fluturimit. Po ashtu, është ngritur edhe një hapësirë argëtimi për kafshët shtëpiake.

Madhësia e ekonomisë kineze të kafshëve shtëpiake arriti në 592 miliardë juanë (81.9 miliardë dollarë) vitin e kaluar, me një rritje vjetore prej 20.1 për qind, treguan të dhënat nga firma e inteligjencës së tregut “iiMedia Research”.

Tregu pritet të rritet në 811 miliardë juanë deri në vitin 2025. (Elona)

foto nga CFP

foto nga CFP