foto nga CFP

Ministrat e BE-së dhanë miratimin e tyre përfundimtar për një rishikim masiv të ligjeve të bllokut për emigracionin dhe azilin.

Rishikimi përbëhet nga 10 pjesë legjislacioni, të cilat u mbështetën nga shumica dërrmuese e shteteve anëtare të BE-së, shkruan “ATSH”.

Megjithatë, Hungaria dhe Polonia votuan kundër të gjithë paketës, ndërsa vende si Austria dhe Sllovenia kundërshtuan pjesë të veçanta.

Trupi i ri i legjislacionit është produkt i viteve të debatit të nxehtë dhe është kritikuar si nga ata që duan të reduktojnë emigracionin ashtu edhe nga aktivistët që duan ta bëjnë më të lehtë për njerëzit që të shkojnë në vendet e BE-së.

Shtetet anëtare të BE-së do të kenë dy vjet kohë për të vendosur procedura kufitare për të ndaluar disa lloje azilkërkuesish gjatë shqyrtimit dhe për të kthyer ata që nuk kualifikohen.

Vendet që janë të mbingarkuara me aplikime do të mund të kërkojnë që kandidatët të dërgohen në vendet e tjera të BE-së. (Elona)