Foto nga CFP

Indeksi që ndjek zhvillimin e tregut të mallrave me shumicë të Kinës u rrit në prill, tregojnë të dhënat e industrisë, njofton “Xinhua”.

Sipas Federatës Kineze të Logjistikës dhe Blerjeve, indeksi që gjurmon çmimet e mallrave me shumicë në vend ishte 115.4 muajin e kaluar, me 3 për qind rritje në baza mujore.

Indeksi u rrit për dy muaj rresht, duke treguar se politikat e rregullimit makroekonomik kanë filluar të nxisin kërkesën e brendshme dhe rimëkëmbja e prodhimit të ndërmarrjeve është përshpejtuar, sipas federatës.

Ndër 50 llojet kryesore të produkteve të monitoruara nga federata, 21 patën rritje të çmimeve në baza mujore, ndërsa çmimet e 29 u ulën muajin e kaluar.  (Fatosi)